Bırjadaǵy belsendilik birkelki emes

2022 jylǵy maýsymnyń sońyndaǵy jaǵdaı boıynsha, AIH-tiń resmı tizimine ártúrli 87 emıtenttiń 131 baǵaly qa­ǵaz­dar shyǵarylymy, onyń ishinde 19 ETN (Exchange traded notes) kirdi. 17 qazaqstandyq jáne 12 halyqaralyq broker AIH-tiń saý­da músheleri bolyp sanalady. AIH Ortalyq depozıtarııinde ınvestorlardyń 344 myńnan astam shoty ashyldy.

Mamyrdyń sońynda AIH-te úlestik quraldar lıs­tın­gi bar kompanııalardyń («Qaz­atom­ónerkásip», Polymetal, «Halyq bank», Ferro-Alloy Resources Limited, «SentrKredıt banki», Kas­pi.kz) jalpy naryqtyq kapıtaldandyrýy 20,4 mlrd dollardan asyp otyr. Maýsymda AIH-tiń resmı tizimi «Qazaqstannyń Halyq Banki» AQ-nyń 100 mln dollarynyń kýpondyq mól­sher­lemesi jyldyq 2,5 paıyz­dy quraıtyn úsh jyldyq oblı­ga­sııa­larynyń lıstıngimen tolyqty. Qazaqstannyń asa iri bankiniń bul oblıgasııalar shyǵarylymy 500 mln dollar kólemindegi ob­lıgasııalyq baǵdarlamasyn iske qosý sheńberinde ótti. 30 maýsymda Finbox mıkroqarjy uıymy 3 mln dollar kóleminde dol­lar­lyq oblıgasııalaryn shyǵardy.

Bırjalyq ónimder jelisin keńeıtý boıynsha jumys jalǵas­ty­ry­lýda. Osy jylǵy maýsymda eki bırjalyq nota (ETN) – iX Isla­­mic Exchange Traded Notes jáne iX China Equities BR iske qo­syldy.

Sonymen qatar maýsymda AIH ja­ńa qural – Kommersııalyq qaǵazdardy iske qosty. Bul – ózderiniń qysqa merzimdi aınalym kapıtalyna qajettilikterin qarjylandyrý úshin rastalǵan kredıtke qabileti bar kompanııalar shyǵaratyn qamtamasyz etilmegen qysqa merzimdi mindet­temelerdiń keń taralǵan túri.

Qazaqstannyń qor naryǵy aıtar­lyqtaı qubylmaly nátı­je­ler kórsetýde. Maýsymnyń nátı­jeleri boıynsha, AIXQI ındek­si 1,41 paıyzǵa, 754.22 pýnkt­ten 764.87 pýnktke deıin ósti. In­dekske qaraıtyn 8 kompanııanyń tór­teýi aıdy jasyl aımaqta aıaq­tady. Olardyń úsheýi eki mándik ósý kórsetkishterin kórsetti.

«Halyq bank» aksııalary jaqsy ósim kórsetti (+17,01 paıyz). Qazaqstannyń asa iri banki 2022 jyldyń I toqsany bo­ıynsha esebin jarııalady. Onyń nátıjesi boıynsha banktiń taza paıdasy ótken jyldyń sáıkes kezeńimen salystyrǵanda 96,8 mlrd teńgeden 124,2 mlrd teńgege deıin ósti. «SentrKredıt banki» de jaqsy nátıjeler kórsetti. Ol I toqsannyń qorytyndysy bo­ıynsha, óziniń taza paıdasyn bir jyl burynǵy deńgeımen salys­tyrǵanda 74,7 mlrd teńgeden 102,7 mlrd teńgege deıin arttyr­dy. Bul «SentrKredıt ban­ki» ak­sııalarynyń baǵa belgi­leý­leriniń ósýine ákeldi (+14,73 paıyz).

«Qazaqtelekom» qyzmetiniń jaqsy nátıjeleri Kcell-diń aldyńǵy aıdaǵy quldyraýynyń ese­sin qaıtardy (maýsymda +11,05 paıyz). Biraq negizgi kompa­nııanyń aksııalary aıdyń qorytyndysy boıynsha tómendedi (-6,25 pa­ıyz). Ýran fıýchersterine qatysty baǵanyń oń dınamıkasy «Qaz­atom­ónerkásip» aksııalarynyń ósýine yqpal etti (+2,44 paıyz). Kaspi.kz aksııalarynyń quny, kompanııanyń taza paıdasy 2021 jyldyń I toqsanyndaǵy 74,7 mlrd teńgeden 2022 jyldyń II toq­sanynda 102,7 mlrd teńgege de­ıin óskenine qaramastan, tó­men­dedi (-4,53 paıyz). S&P Global Ra­tings reıtıng agenttigi Kas­pi Bank-tiń uzaq merzimdi jáne qys­qa merzimdi kredıttik reı­tıng­­­terin «VV-/V» deńgeıinde ras­­tady.

Kompanııa shyǵarǵan eseptilik ınvestorlar úshin nanymsyz bo­lyp shyqqandyqtan, maýsym­da KazTransOil aksııalary óz qu­nynyń -6,16 paıyzyn jo­ǵaltty. Taza paıda 2021 jyl­dyń I toqsanyndaǵy 16,7 mlrd teńgeden 2022 jyly 10,2 mlrd teńgege deıin tómendedi. Fitch Ra­tings reıtıng agenttigi KazTrans­Oil defoltynyń sheteldik va­lıýtadaǵy uzaq merzimdi reı­tıngin «Turaqty» boljamymen «VVV-» deńgeıinde rastady. Central Asia Metals aksııa­lary mys, qorǵasyn jáne myrysh baǵa­lary tómendeýiniń jalǵasýy jaǵ­daıynda jáne Ulybrıtanııa ınves­torlarynyń resessııalyq kútý­lerimen baılanysty maý­sym­nyń qorytyndysy boıynsha tómendedi (-8,40 paıyz).