Keshendi jospar sheńberinde Pavlodar oblysynda mektep oqýshylaryn kásibı baǵdarlaý ekojúıesi quryldy. «Jańa mamandyqtar atlasy» mektep túlekterine eńbek naryǵynda zamanǵa sáıkes qabiletterdi ıgerýge múmkindik beredi. Atalǵan joba bilim alýshylarǵa ómirde óz ornyn tabýǵa baǵyttalǵan. Osylaısha, ótken oqý jylynda 20 myń joǵarǵy synyp oqýshysy kásibı dıagnostıkadan ótti.
«Baǵdarlama, eń aldymen, halyqtyń tabysyn arttyrýǵa jáne nátıjeli jumyspen qamtýdy qamtamasyz etýge baǵyttalǵan. Jalpy alǵanda, óńdeý ónerkásibinde 126 myń jańa jumys orny qurylatyn 713 joba júzege asyrylady. 50 iri kásiporynnyń janynan shaǵyn jáne orta bıznes beldeýleri qurylady. Bul kásipkerlik sýbektileriniń tabysyn arttyrýǵa, taýarlardy kepildi túrde satýǵa, ónimdilikti arttyrýǵa múmkindik beredi», dedi E.Toǵjanov.
Vıse-premer baǵdarlamada jastardyń quzyrettiligin damytý, olardyń jumyspen qamtylýyn arttyrý, jumys isteıtin halyqtyń, onyń ishinde, turǵyndardyń áleýmettik osal toptarynyń daǵdylaryn damytý máselelerine erekshe kóńil bólinetinin atap ótti.
«Jańa oqý jylynda óńir mektepterinde kásibı baǵyttaýshy pedagog shtattyq birligi engiziledi, kolledjder men О́zekti mamandyqtar ortalyǵynyń, onyń ishinde jastar ókilderiniń jumysy kúsheıtiledi. 15 kolledjde 15 jańa mamandyq pen 25 jańartylǵan baǵdarlama boıynsha oqytý engiziledi», dedi oblystyq bilim berý basqarmasynyń basshysy S.Aıtqazına.
Jalpy alǵanda, bilim berýdiń úzdiksiz modeli bolashaq mamandarǵa óz kásibin durys tańdaýǵa múmkindik beredi.
E.Toǵjanov «Jańa mamandyqtar atlasy» túlekter men jumys berýshiler úshin basty baǵdar bolatynyn atap ótti. О́ńirde júzege asyrylyp jatqan qanatqaqty joba elimizdiń basqa oblystary úshin sátti mysal bolýy kerek.
Qazirgi kezde óńirde «bir tereze qaǵıdaty» boıynsha jumys isteıtin jáne 5 myńǵa jýyq adamdy, onyń ishinde NEET jastaryn qamtıtyn 14 О́zekti mamandyqtar ortalyǵy qyzmet etedi. Osy sanattaǵy 2,5 myńǵa jýyq jas óńirdegi iri ónerkásiptik kásiporyndarda taǵylymdamadan ótedi.
«Sonymen qatar óńirde Mobıldi jumyspen qamtý ortalyqtary quryldy. Shalǵaı aýyldarǵa 237 shyǵý sapary uıymdastyrylyp, 9 myń adam keńestermen qamtyldy. Jyl basynan beri oblysta 10 myń jumys orny qurylsa, olardyń jartysynan kóbi – 54%-y turaqty. Jumyspen qamtý ortalyqtarynyń jumysy HR-agenttikterge sáıkestendirilip qaıta quryldy», dep atap ótti Pavlodar oblysy ákiminiń orynbasary A.Qurmanova.
Jalpy alǵanda, 2022 jyly elimizde 165 ınvestısııalyq jobany iske asyrý esebinen 16,3 myń jańa jumys ornyn qurý josparlanyp otyr. Eń basty ósim Qaraǵandy, Shyǵys Qazaqstan jáne Pavlodar oblystarynda bolady dep kútilýde.
Jyl basynda Pavlodar oblysyna jumys saparynyń qorytyndysy boıynsha Premer-Mınıstrdiń orynbasary E.Toǵjanov qıyn ómirlik jaǵdaıǵa tap bolǵan otabsylarǵa keshendi qoldaý kórsetýdi qamtamasyz etý boıynsha tapsyrmalar bergen bolatyn. Qazirgi kezde oblys ákimdigindegi Jaǵdaıattyq ortalyqta otbasynyń áleýmettik statýsy týraly derekterdi qanatqaqty rejimde naqty kórýge bolady. Jobany Eńbek jáne halyqty áleýmettik qorǵaý mınıstrligi júzege asyryp, elimizdiń barlyq óńirinde aprobasııadan ótkizedi. Pavlodar oblysy – jobany proaktıvti formatta júzege asyrý deńgeıi joǵary óńirlerdiń biri. Juma kúni Úkimettiń sıfrlyq keńsesiniń bazasynda Otbasynyń sıfrlyq kartasy iske qosylady.
Jınalys qorytyndysy boıynsha E.Toǵjanov birqatar tapsyrma berdi. Oqý-aǵartý mınıstrligi múddeli memlekettik organdarmen, Nur-Sultan, Almaty, Shymkent qalalarynyń jáne oblystardyń ákimdikterimen birlesip, «Jańa mamandyqtar atlasyn» engizýdi jalǵastyrýy kerek. Vıse-premer baǵdarlamany júzege asyrý turaqty baqylaýda ekenin atap ótti.
Vıse-premerdiń oblysqa sapary jalǵasýda.
