Oıyn keńseleriniń zańsyz qyzmeti týraly is Qyzylorda oblysy boıynsha QMA departamentinde tergeldi.
O.N.Soı esimdi azamat oıyn mekemesiniń qyzmetin uıymdastyrǵan. Ol Zańmen belgilengen oryndardan tys jerde qumar oıyndar ótkizip, paıdaǵa kenelip otyrǵan. Soı býkmekerlik keńseniń atynan úı-jaıdy jalǵa alyp, ishine 9 kompıýter ornatqan.
«Saraptama qorytyndysyna sáıkes, ornatylǵan baǵdarlamalar arqyly onlaın oıyn saıttaryn iske qosýǵa múmkindik beriledi. Sondaı-aq, ol úsh adamdy qyzmet kórsetetin personal retinde jaldaǵany anyqtaldy», delingen agenttik habarlamasynda.
Ekinshi sottalýshy Q.Naýryzbaev páterdi jalǵa alyp, «elektrondyq rýletka» arnaıy oıyn jabdyqtaryn qoıǵan.
Sottalýshylardyń ekeýine de aıyppul tóleý úshin bir aı merzim belgilengen. Aıyppuldan jaltarý jaǵdaıynda ótem májbúrleý tártibimen júrgiziledi.
