Búginde Ál-Farabı atyndaǵy QazUÝ – álemdegi eń úzdik 150 ýnıversıtet qataryna engen Qazaqstan men Ortalyq Azııadaǵy jalǵyz joǵary oqý orny.
Bir jyl ishinde bilim ordasy QS WUR jahandyq reıtıngi boıynsha Top-200 ishinde 25 pozısııaǵa joǵarylap, 175-ten 150-orynǵa kóterildi.
Osylaısha Ál-Farabı atyndaǵy QazUÝ Qazaqstannyń joǵary oqý oryndary arasynda ǵana emes, Ortalyq Azııa men TMD elderi boıynsha da kóshbasshy ekenin dáleldedi.
Aıta ketsek, ýnıversıtettiń bilim berý baǵdarlamalarynyń shamamen 25 paıyzy QS by Subject pándik reıtınginde Top-500 deńgeıinde usynylǵan.
Ýnıversıtet qurylymynda 16 fakýltet pen 68 kafedra, 8 ǵylymı-zertteý ınstıtýty jáne 29 ǵylymı ortalyq bar. 140-qa jýyq ǵylymı jáne oqý-zertteý zerthanalary jumys isteıdi.
Qazirgi ýaqytta bilim alýshylardyń kontıngenti shamamen 26 myńdy quraıdy. Jyl saıyn sheteldik stýdentter sany artyp keledi – álemniń 30 elinen 2,5 myńnan astam sheteldik bakalavrıatta, magıstratýrada jáne doktorantýrada oqıdy.
Oqytýshy-professorlar quramynyń sany 3000-nan asady. Ýnıversıtet professorlarynyń arasynda 10 akademık, 7 Ulttyq ǵylym akademııasynyń korrespondent-múshesi, 14 ǵylym jáne tehnıka salasyndaǵy Memlekettik syılyqtyń laýreaty bar.
Bilim ordasyn damytýdyń negizgi vektory – ınternasıonaldandyrý. Ýnıversıtet 500-den astam sheteldik joǵary oqý oryndary jáne ǵylymı ortalyqtarmen yntymaqtastyq ornatqan.
Bıyl álemniń 30 elinen 100-den astam sheteldik professorlar men ǵalymdar QazUÝ-da sabaq beredi. Sondaı-aq bilim ordasynyń 40-tan astam professory Vengrııa, Germanııa, Mońǵolııa, Fransııa, AQSh, Reseı, Túrkııa, О́zbekstan jáne basqa shetelderdiń ýnıversıtetterinde dáris oqydy.
2022 jyly ýnıversıtettiń 41 oqytýshysy men qyzmetkeri Qazaqstan Respýblıkasy Prezıdentiniń «Bolashaq» halyqaralyq bilim berý stıpendııasynyń ıegerleri atandy. Qazirgi ýaqytta olardyń basym kópshiligi AQSh, Eýropa, sondaı-aq Japonııa jáne Túrkııa ýnıversıtetterinde taǵylymdamadan ótýde.
Bıylǵy mamyr aıynda Qazaqstan Prezıdentiniń Túrkııa men Qyrǵyz Respýblıkasyna memlekettik sapary aıasynda QazUÝ-dyń Ystambul jáne Bishkek qalalarynda fılıaldary ashyldy.
Qazirgi tańda ýnıversıtet eldik jáne halyqaralyq strategııalyq mindetterdi sheshýde aıtarlyqtaı áleýetke ıe. Ál-Farabı atyndaǵy QazUÝ-dyń aldaǵy damý baǵyty – álemdik deńgeıdegi zertteý ýnıversıtetine aınalý jáne halyqaralyq ǵylymı-bilim berý keńistiginde alǵa jyljý.
