Keshendi testileý - aqparattyq-kommýnıkasııalyq tehnologııalardy qoldana otyryp, bir mezgilde birneshe oqý pánderi boıynsha ótkiziletin emtıhan nysany. KT joǵary bilimniń bilim berý baǵdarlamalaryn meńgergen tulǵalar úshin ótkiziledi.
153 úmitkerdiń ishinde testileýge kirgizý kezinde tyıym salynǵan zattardy alyp ótýge tyrysqan 89 adamnyń test nátıjesi joıyldy. Sondaı-aq emtıhan kezinde erejelerdi buzǵan 61 adam emtıhannan shyǵaryldy, al beınejazbalardy qaıta tekserý nátıjeleri boıynsha taǵy 3 adamnyń synaq nátıjesi joıyldy.
«KT kezinde osy 3 testilenýshi smartfondardy paıdalanǵan, oǵan qosa emtıhan materıaldaryn aýdıtorııadan tys jerlerge alyp shyqqan. Testilenýshilerdiń sertıfıkattary joıyldy, al test suraqtary bazadan alyndy. Barlyq beınejazbalar qaıta qaralady», dedi R. Emelbaev.
FACE-ID júıesiniń arqasynda testileýge kirgen kezde basqa adamdar úshin KT tapsyrýǵa tyrysqan 4 jalǵan tulǵa anyqtaldy.
«KT-ǵa tirkelý kezinde test tapsyrýshylardan erejelerdi tolyq oqyp, kelisimdi belgileý suralady. Osyǵan qaramastan, olardyń keıbireýleri ártúrli aıla-amaldardy qoldanýǵa tyrysady. Sondyqtan bolashaq magıstranttardy akademııalyq adaldyq qaǵıdalaryn buzbaýǵa jáne saqtaýǵa shaqyramyn», dep qosty Ulttyq testileý ortalyǵynyń dırektory.
