«Azııa balalary» oıyndary alǵash ret 1996 jyly qazirgi Olımpııa oıyndarynyń bastaý alǵanyna 100 jyl tolýyna oraı Saha (Iаkýtııa) Respýblıkasynyń Prezıdenti Mıhaıl Nıkolaevtyń bastamasymen ótkizilgen bolatyn. Sol jyldan bastap halyqaralyq sport oıyndary dástúrli túrde ár tórt jylda bir ret uıymdastyrylatyn bolyp bekitildi. Búginge deıin atalǵan baıraqty básekede sary qurlyqtaǵy 30-dan astam eldiń jas sportshylary ártúrli sport túrinen baq synap keledi. Oıyndar 2019 jyldan beri jazben qatar, qys mezgilinde de ótkizilip júr. Bir aıta keterligi, Qazaqstan, Mońǵolııa jáne Qyrǵyz Respýblıkasynyń sportshylary «Azııa balalary» oıyndarynyń turaqty qatysýshysyna aınalǵan.
Sportty damytý dıreksııasynyń málimeti boıynsha, Vladıvostoktaǵy básekede el namysyn taekvondodan – alty, dzıýdodan 15 sportshymyz qorǵaıdy. Jalpy, bıylǵy jarysta Azııanyń 12 elinen kelgen 1 355 óren sporttyń 19 túrinen 273 medal jıyntyǵyn sarapqa salady. «Azııa balalary» oıyndary 8 tamyzda máresine jetedi.
