Sh.Aımanova atyndaǵy «Qazaqfılm» AQ prezıdenti Aqan Sataev Koreıa kınematografııasyn úlgi etetinin atap ótti. «Bizdiń otandyq fılmderimiz koreı kınofestıvaldaryna belsendi qatysady. Kınoındýstrııada aldyńǵy qatarly elderdiń tájirıbesine súıený zor nátıjege jetkizedi. Sondyqtan eki eldiń dostyq qarym-qatynasyn damyta otyryp, birlesken jobalardy qolǵa alýǵa árdaıym ashyq ári daıynbyz», – dedi A.Sataev.
О́z kezeginde Big ocean entertainment kınokompanııasynyń ókili Koreıanyń Qazaqstanmen kınoındýstrııa salasynda yntymaqtastyqqa múddeli ekenin bildirdi.
«Kúzde biz Qazaqstanda konferensııa ótkizýdi josparlap otyrmyz. Kınoındýstrııanyń tanymal ókilderin shaqyryp, bizdiń kınoındýstrııamyzdy jaqynyraq tanystyrsaq deımiz. Sondaı-aq qazaqstandyq tájirıbeni zertteý de biz úshin mańyzdy. О́ndiriste tájirıbe almasý múmkindigin qarastyramyz. Bizge Qazaqstandaǵy aýdıtorııa aýqymyn jandandyrý jospary óte qyzyqty. Sonymen qatar osy elde qazaqstandyq akterlermen koreı fılminiń remeıkasyn túsirýdi usynamyz», – dedi Big ocean entertainment koreı kınokompanııasynyń basqarma tóraǵasy Hvan Dong Sob.
Kezdesý barysynda «Qazaqfılm» qyzmetkerleri sheteldik kıno mamandaryna pavılondardy aralatyp, anımasııalyq keshendi kórsetti. Dolbı-zaly men shoý-rılge ekskýrsııa uıymdastyrdy. Sonymen qatar jańa formattaǵy «Medıa jáne kıno mektebiniń» jumysymen tanystyrdy.
«Ulttyq kınony qoldaý memlekettik ortalyǵy» KeAQ basqarma tóraǵasy Esetjan Qosýbaev Qazaqstanda serıaldar óndirisi jaqsy damyp kele jatqanyn jetkizdi.
«Búgingi tańda otandyq serıaldar óndirisi qarqyndy damyp keledi. Bizdiń rejısserlerimiz bul baǵytta belsendi jumys isteýdi úırený ústinde. Sońǵy jyldary koreı serıaldary joǵary reıtıngterge ıe bolǵany belgili. Elimiz óndiriletin ónimniń sapasyn jaqsartýǵa jáne úzdik nátıjelerge qol jetkizýge umtylady», – dedi E.Qosýbaev.
Kezdesýdi qorytyndylaı kele, taraptar ózara tıimdi qarym-qatynastardy nyǵaıtýǵa nıet bildirdi.
ALMATY
