Dúnıejúzilik densaýlyq saqtaý uıymynyń aldyn ala derekterine qaraǵanda, álemde maımyl sheshegin juqtyrý derekteri joǵary qarqyn alyp ósýde. Búgingi tańda álemniń 81 elinde 18 954 jaǵdaı tirkelse, onyń 18 915-si rastaldy. Bul rette, DDU ókilderi Nıgerııa men Kongodaǵy jaǵdaıǵa erekshe alańdaýshylyq bildirip otyr.
Elimizdiń aýmaǵynda ınfeksııanyń taralyp ketýine jol bermeý maqsatynda sanıtarııalyq-profılaktıkalyq is-sharalar iske asyrylyp keledi. Mınıstrliktiń derekterine sáıkes, respýblıkanyń memlekettik shekarasynda ornalasqan áýejaılarda, temirjoldarda, teńiz porttarynda jáne avtoótpe joldarda sanıtarııalyq-karantındik pýnktter jumys isteıdi. Atalǵan pýnkterde qashyqtyqtan júzege asyrylatyn termometrııanyń kómegimen shetelden kelgen azamattar tekseristen ótedi.
«Búgingi tańda respýblıkada maımyl shesheginiń belgileri bar aýrý jaǵdaılary tirkelgen joq. Afrıka elderinen jáne atalǵan ınfeksııany juqtyrý jaǵdaılary tirkelgen basqa memleketterden kelgen azamattarǵa erekshe nazar aýdarylady. Infeksııa taralǵan elderdiń tizimi únemi jańartylyp otyrady», delingen komıtet aqparatynda.
Vedomstvoda atap ótkendeı, qazirgi ýaqytta «juqpaly aýrýlar» beıini boıynsha maımyl sheshegin dıagnostıkalaý men emdeýdiń klınıkalyq hattamasy ázirlenip jatyr.
Aıta ketsek, Qazaqstanda maımyl sheshegin anyqtaýǵa arnalǵan arnaıy test júıesi bar. Medısına qyzmetkerleri de atalǵan dertti anyqtaý jáne emdeý boıynsha arnaıy oqytýdan ótip, semınar-trenıngterge qatysty.
Aıta ketsek, álemde vırýsqa qarsy arnaıy preparattar áli de ázirlenbegen. Alaıda Ulybrıtanııada naýqastarmen jumys isteıtin medısına qyzmetkerlerine kádimgi sheshekke qarsy vaksına salynady. Ondaı vaksına maımyl sheshegi vırýsynan da qorǵaıdy eken.
Al elimizdiń ınfeksııalyq aýrýhanalaryna keletin bolsaq, olar vırýsqa qarsy, naýqastardy sımptomatıkalyq kútýge arnalǵan dárilik preparattardyń, jeke qorǵanysh quraldarynyń jáne dezınfeksııalyq quraldardyń rezervtik qorymen qamtamasyz etilgen. Zerthanalyq qyzmetti júzege asyrý baǵytynda túrli dıagnostıka júrgizý úshin qajetti reagentter qory quryldy.
Bıyl mınıstrlik DDU mamandarymen birlesip Densaýlyq saqtaý uıymdary úshin maımyl shesheginiń etıologııasy, patogenezi, klınıkasy, dıagnostıkasy jáne ony emdeý, epıdanamnez ben aldyn alý sharalarynyń erekshelikterin eskere otyryp, maımyl sheshegin dıagnostıkalaý kezindegi jaǵdaıdyń standartty anyqtamasyn qoldaný boıynsha onlaın-semınarlar ótkizgen edi. Bul is-sharalar kesheni de qazaqstandyq mamandardy kásibı jetildirip, elimizde ınfeksııanyń paıda bolýyna jol bermeýge yqpal etedi degen senim bar.
