Jetisý oblysy óz aldyna derbes óńir bolǵanymen, áli de Almaty oblysynyń densaýlyq saqtaý basqarmasyna táýeldi. Oblystyq sanıtarııa qyzmeti densaýlyq saqtaý obektilerinde qaldyqtardy jınaýǵa, zalalsyzdandyrýǵa jáne saqtaýǵa qoıylatyn sanıtarııalyq-epıdemıologııalyq talaptardyń buzylýyna baılanysty jalpy somasy 14 mln teńgege 74 aıyppul saldy. Onyń ishinde medısınalyq qaldyqtardy jınaý, saqtaý jáne esepke alý merzimderi boıynsha zań buzǵan jeke tulǵalarǵa 69 aıyppul, laýazymdy tulǵalarǵa 3 aıyppul jáne medısınalyq qaldyqtardy ýaqytsha saqtaý úı-jaılaryn jaraqtandyrý jáne jabdyqtaý jónindegi normalardy saqtamaǵany úshin zańdy tulǵalarǵa 2 aıyppul salyndy.
Medısınalyq qaldyqtardy jınaýǵa, zalalsyzdandyrýǵa jáne saqtaýǵa qoıylatyn sanıtarııalyq talaptardyń saqtalýy oblystyq SEBD turaqty nazarynda. Búginde departament baqylaýynda 1 793 medısınalyq uıym bar. Medısınalyq uıymdardyń árbir qurylymdyq bólimshesinde medısınalyq qaldyqtarmen jumys isteý shemasy ázirlenip, medısınalyq qaldyqtardy jınaý jáne ýaqytsha saqtaý úshin jaýapty tulǵalar bekitilgen.
Medısınalyq qaldyqtardy jınaý arnaıy bir ret qoldanylatyn polıetılen paketterde jáne qaqpaqtary tyǵyz jabylatyn ydystarda júzege asyrylady. Olar medısınalyq qaldyqtardyń klasyna baılanysty belgilenedi. Bekitilgen kestege sáıkes mamandandyrylǵan uıymdarmen jasalǵan kelisim sharttar negizinde shyǵarylyp, joıylady. Bul mekemelerde qaldyqtardy durys joıýǵa arnalǵan peshter men jabdyqtar bar.
Departamenttiń aýmaqtyq basqarmalarynyń baqylaýynda medısınalyq qaldyqtardy joıýmen aınalysatyn 14 uıym bar. Onyń bireýiniń óńdeý qýattylyǵy saǵatyna – 120 kılogramm. Qalǵan 13-i epıdemııalyq mańyzdylyǵy tómen obektiler bolyp sanalady.
Jyl basynan beri medısınalyq qaldyqtardyń «A» synybynyń qaldyqtary – 5 721, 906 tonnany, «B» synybyndaǵy epıdemıologııalyq qaýipti qaldyqtar – 18 620, 075 tonnany, «V» synybynyń epıdemıologııalyq asa qaýipti qaldyqtar – 3 360, 991 tonnany, «G» synybyndaǵy toksıkologııalyq medısınalyq qaldyqtardan 3 616 danany qurady. Tústep kórsetsek, bakterısıdtik, lıýmınessentti, quramynda synaby bar, jaryq dıodty shamdar, termometrler, gıgrometrler jáne rentgen plenkalary sekildi qaldyqtar shyǵaryldy.
Jetisý oblysy
