KOREIаMEN DOSTYQ BAILANYSTY QOLDAIDY

Prezıdent poshtasynan Memleket basshysynyń atyna Qazaqstan koreıleri assosıasııasy Qyzylorda fılıalynyń músheleri atynan ujymdyq hat kelip tústi, dep habarlady Qazaqstan Respýb­lı­kasy Prezıdentiniń baspasóz qyzmeti. О́z hattarynda koreı dıaspora­synyń Qyzylorda oblysynda tura­tyn ókilderi Qazaqstan Prezıdenti Nursultan Nazarbaevtyń Koreıa Respýblıkasyna memlekettik sapa­ryn muqııat qadaǵalaǵandary aıtylǵan. “Bizdiń tarıhı otanymyzda Sizdi jan jylýymen qarsy alý  koreı halqy men el basshylyǵynyń Sizge degen tereń qurmetin, bizdiń memleketterimiz arasyndaǵy dostyq qatynastardy kórsetedi. Qazirgi kezde Koreıa Respýblı­kasynda Qazaqstan kúnderiniń ótip jatýy da  – Ortalyq Azııadaǵy kóshbasshy retindegi bizdiń respýblıkaǵa, senimdi isker áripteske, baı mádenı murasy jáne zor ekonomıkalyq áleýeti bar elge degen qurmet pen senimniń belgisi. Biz Qazaqstan men Koreıa arasyndaǵy dostyq jáne iskerlik baılanystardyń nyǵaıǵanyna qýanamyz, alaıda, bizdiń otanymyz – báribir osy jerde. Respýblıka táýelsizdiginiń alǵashqy qıyn jyldarynda, kóp adamdar ózderiniń tarıhı otanyna kete bastaǵanda, koreıler ózge halyqtardyń ókilderimen birge jańa Qazaqstandy qurý úshin osynda qaldy. Búginde, bizdiń elimiz aıaǵynan nyq turǵan kezde biz munda bizdiń eńbegimizdiń de úlesi bar ekenin maqtan tutamyz. Qazaqstan KSRO ydyraǵannan keıin soǵystar men ult­ara­lyq qaqtyǵystarǵa urynǵan joq. Búginde barsha qazaq­standyqtar beıbit jaǵdaıda jáne kelisimde ómir súrip otyr. Biz erteńgi kúnimizge senimdimiz. Mundaı senim óz halqyn súıetin dana saıasatshy basqarǵan baqytty elde ǵana bolady. Biz ózimizdiń jaıly úıimizdegi beıbitshilik pen bizdiń otbastary­myz­daǵy bereke úshin Sizge sheksiz alǵysymyzdy bildiremiz. Mundaı beı­bitshilikti Siz ornattyńyz, Nursultan Ábishuly. Qazaqstannyń barlyq koreı­le­ri atynan Sizge qurmet taǵzymyn bildiremiz. Qazaqstan – bizdiń Otanymyz. Koreılerdiń qazirgi urpaǵy osynda týǵan, sondyqtan da bizdiń basqa otanymyz joq. Biz Qazaqstannyń órkendeýi úshin qoldan kelgennin bárin de jasaımyz. Sizge elimiz ben halqymyzdyń ıgiligi úshin zor densaýlyq jáne uzaq ǵumyr tileımiz”, – delingen hatta.