Polısııa joǵalǵan qyzdyń denesin tapty. Ony izdestirý jumystary bir apta boıy júrgizildi.
«Kúdikti qaza bolǵan qyz turatyn aýyldyń turǵyny bolyp shyqty. Anyqtalǵandaı, kúdikti oqýshyny aldymen zorlap, artynsha qylmysyn jasyrý úshin óltirgen. Keıin aýyldyń shetine baryp kómip tastaǵan. Ol mundaı áreketke qylmysyn jasyrý úshin barǵanyn aıtty. Qazir jasóspirim qyzdyń denesi sot-medısınalyq saraptamaǵa jiberildi», delingen oblystyq Polısııa departamentiniń baspasóz qyzmeti taratqan habarlamada.
Vedomstvonyń aqparatyna sáıkes, kúdikti qamaýǵa alyndy. Ol ómir boıyna bas bostandyǵynan aýyrylýy múmkin.
Oqıǵa 21 shilde kúni Panfılov aýdanynda boldy.
