EShKI SÚTINE DE ELEP QARAIYQ

Beıbit Beısekesh – astanalyq kásipker. Ol qazaq jastary ara­syn­da sırek kezdesetin atomshy ma­mandyǵyn ıgergen, búgingi na­ryq­tyq damý zańdylyqtaryn te­reń zerdeleı biletin azamat. Ási­re­se, onyń elge bir paıdamdy tı­giz­sem eken degen janashyrlyq kóz­qarasy ózgelerge de úlgi bo­larlyqtaı. Osy maqsatta ol Zelenov aýda­nyndaǵy Shapov aýylynda óz qa­rajatyna eshki sútin óndiretin sha­ǵyn zaýyt qurylysyn bastap ket­kenin de bilýshi edik. Jobany iske asyrý úshin Beıbit Túrkııadan sútti mol beretin asyl tuqymdy angor esh­kilerin satyp alý jóninde keli­sim-sharttar da jasap qaıtqan bolatyn. Degenmen, keıingi kezde onyń osy bastaǵan tamasha jobasyn to­lyq­taı aıaqtaı almaı qınalyp júr­geninen de habarymyz bar edi. Mundaǵy basty qıyndyq zaýyt qurylysyn tolyqtaı iske qosýǵa qajetti qarajat kózderiniń jetki­lik­sizdigi bolatyn. Osy turǵyda tilshiler qosynyna arnaıy kelgen kásipkerge kóńildi alańdatyp júr­gen másele jóninde saýal qoıýǵa týra keldi. Jobańyz óte tamasha. Ony iske qosatyn ýaqytyńyz ál­de­qashan jetip edi ǵoı, sonshama nege tuıyqqa tirelip qaldyńyz de­gen saýalymyzǵa kásipkerdiń qaı­tarǵan jaýaby tómendegideı boldy. Bul jerde basty másele, siz oılaǵandaı memleket tarapynan jasalatyn qarajat kózderiniń tap­shy­lyǵynda nemese jetkiliksiz­di­gin­de emes. Kerisinshe, qazir mem­lekette qarajat kózderi jetkilikti. Qysqasy, búginde memleketimiz kez kelgen óndiristik jobany qar­jylyq turǵydan qoldaı alady. Tek bári tıisti zańdylyqtarǵa sáıkes bolýy kerek. Aıtaıyn degenim, taýarly sút óndirýge qatysty qoldanylyp júr­gen búgingi zań normalary tek múıizdi iri qara ósirýshilerge ǵana laıyqtalǵan. Bul baıaǵy keńestik zamandaǵy zań tarmaqtarynyń kó­shirmesindeı kórinedi. Iаǵnı ol es­kirgen, búgingi zaman talaptaryna sáı­kes kelmeıdi. Sondyqtan oǵan tıisti ózgertýler men tolyq­ty­rýlar qajet dep oılaımyn. Búginde tutastaı Eýropa elderi eshki sútin óndirýge baǵyt ustap otyr. Ony tekten-tek deýge bol­maıdy. Árıne, paıdasy bolmasa olaı istemes edi. Bul jáıt bizdi de oı­landyrýǵa tıis. Aýyl sharýa­shy­lyǵyn ártaraptandyrýdyń basty joldarynyń biri de osy dep túsinemin. Astanalyq kásipker Beıbit Beısekeshtiń bul pikiri qalaı desek te kóńilge qonatyn sekildi. Tek sıyr sútin ǵana emes, sonymen birge, qoı-eshki sútterin de taýar túrinde óndirýdi nazarda ustasaq , odan esh utylmasymyz kámil. Aı­taıyn degenimiz, bul másele Par­lament depýtattarynyń naza­ryn­da bolsa eken degen tilek edi. Temir QUSAIYN, ORAL.