Boljam boıynsha, Qazaqstannyń soltústik óńirlerine qatty nóserden keıin Soltústik antısıklon yqpal etedi.
«Túnde aýa temperatýrasy aıtarlyqtaı tómendeıdi. Qazaqstannyń ońtústiginde aýa raıy jaǵdaıynyń qalyptasýyna atmosferalyq front aralasady, aspanda bulttar kóbeıedi, jańbyr boljanady, al taýly jáne taý bókterindegi aýdandarda, tipten qatty jańbyr jaýady», delingen habarlamada.
Respýblıka boıynsha naızaǵaı, burshaq, daýyl, jeldiń kúsheıýi, respýblıkanyń soltústiginde tuman kútiledi.
«Kúndiz batysta +28 +33 gradýs, ońtústik-batysta +33 +38 gradýs, soltústik-batysta +18 +28 gradýs. Soltústikte, shyǵysta jáne respýblıkanyń ortalyǵynda túnde termometrler +7 +12 gradýsqa deıin tómendeıdi, kúndiz negizgi fon +17 +28 gradýs, eldiń ońtústiginde bolsa +25 +34 gradýs bolady. Al ońtústik-shyǵysta +30 +35 gradýstan +25 +30 gradýsqa deıin tómendeıdi, taýly aýdandarda +22 gradýs bolady», delingen boljamda.
