Eske salsaq, byltyr qysta qaladaǵy iri kásiporynnyń birine sý jetkizetin qubyr jarylyp, Shashkın kóshesi, 31/1 mekenjaıyndaǵy úıdi sý basqan. Úıleri turýǵa jaramaı qalǵandyqtan, otbasy basqa páter jaldaýǵa májbúr bolǵan.
16 jasqa tolmaǵan 4 balanyń anasy Nurjan Kámeshanqyzy otbasymen «Pavlodar» qalalyq sý arnasy JShS-in sotqa berdi.
«Sot 7 aıǵa sozyldy. Qalalyq sot 2 otyrys ótkizip, kásiporyndy kináli dep tanydy. Sýǵa jaýapty kásiporyn sheshimmen kelispeı, oblystyq sotqa berdi. Oblystyq sotta da biz jeńip shyqtyq», dedi Nurjan Kámeshanqyzy.
Sot sheshimimen «Pavlodar» qalalyq sý arnasy JShS úıin sý basqan otbasynyń páter jaldaý shyǵynyn óteıtin boldy.
Kópbalaly otbasy kelisimshartpen 1 maýsymǵa deıin páter jaldaǵan. Endi kelisimdi uzartyp, 1 jeltoqsanǵa deıin sozbaq.
«Osyndaı biz sekildi jaǵdaıǵa qalǵan adamdarǵa shyndyqty dáleldep shyǵýǵa bolatynyn kórsetkim keledi. Kúrdeli másele bolǵan soń únsiz qalyp jatatyndar da bar», dedi Nurjan Kámeshanqyzy.
Sotta jeńip shyqqan otbasy 1 jeltoqsanǵa deıin úılerin jóndep alýdy kózdep otyr. Endigi jospar kásiporynnan úıge kelgen shyǵyndy talap etý.
