MAIDANǴA BARǴAN AIShA APAI

Jeńis – 65 “Sosıalıstik Qazaqstanda” (qazirgi “Egemen Qazaqstan”) eki mashınıstka Aısha apaı bolǵan: Sıqymbaeva jáne Jálelova. Ekeýi de ujymda aıryqsha qur­met­ke bólengen adamdar. Kóz kór­g­ender olar týraly jyr qylyp áńgime aıtady. Biraq sol kóz kórgenderdiń ózderi de sırek bul kúnde. Ásirese, birinshi Aısha apaı­dy, Aısha Sıqymbaevany kór­gender joqqa tán. Jaqynda ga­zettiń Almatydaǵy bólimshesine asyldyń tuıaǵy – Ilııas Jan­sú­girovtiń balasy Saıat Ilııasuly Jan­súgirov kelip, sol eki Aısha apaı­ymyzdyń úlkeni týraly bi­raz maǵlumat berdi. Sol maǵlumattyń eń mándisi, dál qazir jurttyń kóńilin kó­bi­rek aýdaratyny – Aısha apaıy­myzdyń maıdanǵa barǵany. Ár ujy­mnan sol kezde maıdanǵa at­tan­ǵandar kóp bolǵan ǵoı. Olar­dyń arasynda qazaq qyzdary da boldy. Batyr qyzdarymyz Álııa men Mánshúkti, ushqysh qyzymyz Hıýazdy aıtsaq ta jetkilikti-aý. Sóıtse de, sol maıdanǵa kóbine er-azamattar attanyp, olardyń ornyn áıel azamattar basqany belgili. “Sosıalıstik Qazaqstan” gazeti redaksııasynan da kóp aza­mat maıdanǵa attanyp, oryn­da­ryna apaılarymyz qalǵany bar. Al “SQ”-dan maıdanǵa attanǵan áıel azamattan Aısha apaıymyz jalǵyz boldy. Maıdanǵa óz mamandyǵy boı­ynsha bardy. Sonda gazet redak­sııasynda mashınıstka bolyp jumys istepti. Sol Soltústik-Ba­tys maıdanynyń “Otan úshin” gazetinde belgili aqyndarymyz Juban Moldaǵalıev, Saǵynǵalı Seıitov, sondaı-aq belgili jýr­nalıst Ahmet Elshibekovpen birge eńbek etipti. Onda jumysqa tań­er­teń baryp, keshke qaıtatyn emes, úı de, jumys orny da sol kósh­peli redaksııa. Aısha apaıy­myz mashınıstka retinde mate­rı­al basyp qana qoımaı, korrektor da bolypty. Sóıtip, gazet re­daksııasynan maıdanǵa attanǵan Aısha apaıymyz 65 jyl­dyǵyn atap ótken Uly Jeńisimizge ózin­she úles qosypty. Jeńistiń qýanyshy úlken bol­ǵanmen, sol tusta qıyn­shy­lyq ta, qaıǵy da kóp boldy ǵoı. Aısha apaı jeńispen elge oral­ǵanda, súıikti sińlisi, uly aqyn Ilııastyń alǵashqy jary Fatıma da dúnıeden ozǵan edi. Ony da (Tó­rebaeva Fatıma) ózi “SQ”-ǵa kor­rektor etip ornalastyryp ket­ken bolatyn. Odan qalǵan Saıat pen Saıda jáne óziniń Sha­ra­sy aldynan shyqqan. Solardyń bárin azamat etip jetkizý taýqymetin arqalaýǵa týra keldi. Aısha apaıymyz sol boryshtyń údesinen shyqty. Ba­lalardyń bári de jetildi, azamat boldy. Halyq jaýynyń balasy degen kúıe jaǵylǵan Saıat ta basqalardan kem bolmaı, Más­keýde oqý bitirip, elge esimi belgili mamanǵa aınaldy, tehnıka ǵylymdarynyń kandıdaty. Osylaı maıdanǵa baryp, je­ńispen oralǵan Aısha apaı ómir­de de jeńiske jetken adam edi. Mamadııar JAQYP.