«Qazirgi vırýstyń erekshiligin, densaýlyq saqtaý júıesiniń júktemesin, aýrýdyń taralýyn eskere otyryp, mınıstrlik sarapshylarmen birge epıdemılogııalyq jaǵdaıdyń boljamyn jasady. Oǵan sáıkes, tamyz aıynda koronavırýs ınfeksııasynyń ortasha táýliktik kórsetkishi 4 myń jaǵdaıǵa deıin ósedi. Al qyrkúıek aıynda tómendeıdi dep boljap otyrmyz», dedi A. Ǵınııat.
Onyń aıtýynsha, qazirgi kezde Qazaqstanda halyqty vaksınalaý ári revaksınalaý úshin ekpeniń úsh túri bar. Iаǵnı QazVac, Sinopharm, Pfizer vaksınalary usynylyp otyr.
«Jalpy 1 mln 350 myńnan astam dozasy bar. Jyldyń aıaǵyna deıin úzdiksiz ımmýnoprofılaktıkany qamtamasyz etý úshin bıyldyń sońyna deıin 500 myńdaı QazVac vaksınasııasyn alý jáne balalar men júkti áıelderge Pfizer vaksınasııasynyń 300 myń dozasyn alý josparlanyp otyr», dedi mınıstr.
