«Qazirgi ýaqytta 551 dırektor aýysyp, jańa bilim berý uıymynda jumys istep jatyr. 2021 jyldyń jeltoqsanynan 2022 jyldyń aqpanyna deıin mınıstrlik (Oqý-aǵartý mınıstrligi) aýdandyq bilim berý bólimderi, oblystyq, Nur-Sultan, Almaty, Shymkent qalalyq bilim basqarmalary, memlekettik bilim berý uıymdary, derbes kásibı odaqtar birinshi basshylary úshin buıryq normalaryn túsindirý boıynsha keń aýqymdy jumys júrgizdi», delingen Toǵjanovtyń jaýabynda.
Sonymen qatar onyń aıtýynsha, bilim salasynda sapany qamtamasyz etý jónindegi aýmaqtyq departamentterdiń qatysýymen keńester uıymdaryldy.
Budan bólek, Oqý-aǵartý mınıstrligi brıfıngiler ótkizip, buqaralyq aqparat quraldarynda birinshi basshylardy rotasııalaý qajettiligi men tártibi týraly suhbattar uıymdastyrdy.
