Munaı ónimderin urlaǵandar azaıar emes

Memleket basshysynyń tapsyrmasyn oryndaý maqsatynda QMA munaı ónimderin shetelge eks­porttaýdyń uıymdas­ty­ryl­ǵan shemalarynyń jolyn kesý boıynsha belsendi ju­my­syn jalǵasyn tapqan.

Jyl basynan beri Qarjylyq monıtorıng agenttigi 4 mlrd teń­gege jalpy kólemi 20 myń ton­na munaı ónimderiniń zańsyz aınalymy faktileri boıynsha 35 qylmystyq is qozǵady. Mysaly, Jambyl oblysynda Qyrǵyz Respýblıkasyna eksporttamaq bolǵan kezde AI-92 markaly benzıni bar 5 temirjol sısternasy ustal­dy. Qujatta bul basqa ónim, ıaǵnı lak ketiretin eritkish kór­se­tilgen. Tárkilengen janar-jaǵar­maıdyń jalpy somasy shama­men 60 mıllıon teńgeni qu­ra­dy.

Pavlodar oblysynda «or­ga­nı­kalyq eritkish» degen jal­ǵan ataýmen Reseı Federa­sııa­­syna eksporttamaq bolǵan dı­zel otyny bar 4 temirjol sısternasy ustaldy. Sondaı-aq Pavlodar oblysynda JShS dırektory rastaıtyn qujatsyz 660 tonnadan astam mazýtty 76 mln teńgege satqan.

Buǵan deıin 2021 jyly Aty­raý oblysynda eki kompa­nııa­­nyń dırektory jalpy sany 6 myń tonnaǵa jýyq dızel otynyn satyp alyp, ony 1,8 mıllıard teńgege zańsyz satqan.

Sotqa deıingi tergep-tekserý aıasynda janar-jaǵarmaıdyń shyǵý kózderi men onyń aınalymyna qatysy bar tulǵalar anyqtalyp jatyr. Olardy tabý úshin analıtıkalyq quraldar keńinen qoldanylyp, tereń ope­ra­sııalyq ázirlemeler jú­ze­ge asyrylady. О́ńirlerde shekara qyzmeti jáne memlekettik kiris organdarymen ózara is-qımyl jolǵa qoıylyp, bir­les­ken jumys josparlaryna qol qoıyldy.