2022 jyly árbir grantqa 3 mln teńgeden 30 grant beriledi. Grant berýdiń maqsaty – belsendi shyǵarmashyl jastar qaýymdastyǵyn qalyptastyrýǵa baǵyttalǵan jastardyń jańa jáne qoldanystaǵy bastamalaryn memlekettik qoldaý. Konkýrstyq ótinimderdi qabyldaý aıaqtalǵan kezde jasy 14-ten kem emes jáne 29-dan aspaıtyn, konkýrsqa qatysýǵa ótinim bergen Qazaqstan Respýblıkasynyń kez kelgen azamaty úmitker bola alady.
Granttar Qazaqstan Respýblıkasynyń azamatyna jańa ıdeıalar men bastamalardy iske asyrý úshin konkýrstyq negizde mynadaı baǵyttar boıynsha beriledi. «Ǵylym» atalymy ǵylymnyń basym sektorlarynda jańa ǵylymı jobalardy jáne zertteýlerdi iske asyrýǵa arnalǵan. «Mádenıet» atalymy Qazaqstannyń mádenı murasyn tanymal etýge, halyqtyq mádenı dástúrler men ónerdi ilgeriletýge baǵyttalǵan jobalardy iske asyrǵandarǵa tabystalady.
«Aqparattyq tehnologııalar» atalymy jańa IT sheshimder men jobalardy, onyń ishinde jańadan bastalǵan startap jobalardy iske asyrýǵa jáne daıyndaýǵa arnalǵan. «Bıznes» atalymyn ekonomıkanyń basym sektorlarynda jańa bıznes-ıdeıalardy iske asyrǵandar ıelenedi. «Medıa» atalymy jańa medıa jobalardy, onyń ishinde jastar úshin tanymdyq, paıdaly, qyzyqty kontent qurý jónindegi jobalardy iske asyrǵandarǵa buıyrady.
Úmitkerlerdiń konkýrstyq ótinimderi (qaǵaz nusqada) aǵymdaǵy jylǵy 14 tamyzǵa deıin myna mekenjaı boıynsha qabyldanady: Nur-Sultan qalasy, Máńgilik el dańǵyly, 8, «Mınıstrlikter úıi» Ákimshilik ǵımaraty (14-kireberis); Baılanys nómirleri: 8(7172)74-12-78, 8(702-000-88-12). Elektrondy nusqasy generation.kaz@gmail.com poshtasyna qabyldanady.
Konkýrstyq ótinimder memlekettik jáne (nemese) orys tilderinde qabyldanady jáne nysan boıynsha jobanyń sıpattamasy; jobanyń beıne-tanystyrylymy (60 sekýndtan aspaıdy); shyǵystar smetasynyń jobasy; zııatkerlik menshik týraly málimetter (bar bolsa) qamtylýǵa tıis.
