AQSh-tyń San-Hose qalasynda uıymdastyrylǵan WTA 500 týrnıriniń alǵashqy aınalymynda E.Rybakına álemniń 12-shi, osy jarystyń 7-raketkasy retinde tirkelgen reseılik Darıa Kasatkınamen kezdesti. Matchty sátti bastaǵan Rybakına birinshi partııany eki breıkpen óz esebine jazdy – 6:1. Alaıda ekinshi sette Kasatkına myqtylyq tanytyp, 6:2 esebimen tarazy basyn teńestirip ketti. Al sheshýshi, úshinshi partııada Elena Kasatkınaǵa birde-bir sette qarsylyq kórsete almaı, 6:0 esebimen jeńilip qaldy.
Sondaı-aq Chehııanyń Prosteev qalasynda ótip jatqan tennısten 14 jasqa deıingi komandalyq álem chempıonatynda Qazaqstan quramasynyń ókilderi de alǵashqy aınalymda jeńilip qaldy. Ekvadormen ótken birinshi kezdesýde Damır Jalǵasbaı Tıto Chaveske ese jiberse (4:6, 2:6), ekinshi matchta Zańǵar Nurlanuly Lýkas Iýnesti 6:3, 6:3 esebimen tize búktirip, tarazy basyn teńestirdi. Alaıda úshinshi juptyq básekede Zańǵar men Damır Emılıo Kamacho – Tıto Chavesten aılasyn asyra almady – 3:6, 3:6.
