«Úkimet otyrysy barysynda Memleket basshysy elimizdiń energetıkalyq qaýipsizdigin qamtamasyz etý jóninde birqatar naqty tapsyrma berdi. Birinshiden, tranzıttik kólik úshin jáne shekara perımetri boıynsha saralanǵan baǵalar ázirleý arqyly dızel otynynyń tapshylyǵyn boldyrmaý mindeti qoıyldy. Shekara qyzmetiniń málimetinshe, Qazaqstan Respýblıkasynda kúnine 4,5 myńǵa jýyq júk kóligi kiredi, onyń 70 paıyzy - sheteldik kólik. Respýblıkadaǵy jańar-jaǵarmaı quıý stansııalaryndaǵy tómen baǵalar ortasha aılyq tutynýdyń shamamen 120 myń tonnaǵa ósýine alyp keledi», dedi ol Ortalyq kommýnıkasııalar qyzmetindegi baspasóz máslıhatynda.
Mınıstrdiń atap ótýinshe, Energetıka mınıstrligi dızel otynyna saralanǵan baǵalardy kózdeıtin buıryq jobasyn ázirlegen.
«Baǵalar rezıdenttikke, tutyný kólemine jáne kólik túrine baılanysty saralanady. Osy baǵyttaǵy jumys múddeli memlekettik organdarmen jáne taraptarmen jalǵasady», dedi Bolat Aqsholaqov.
