Almaty oblystyq Polısııa departamentiniń baspasóz qyzmetiniń málimetinshe, 2 tamyzda Ile aýdanynda «Eńbek-Quıǵan» temirjolynda júk poıyzy men Audi 100 kóligi soqtyǵysqan.
«Oqıǵa saldarynan kólik órtenip, onyń 40 jastaǵy júrgizýshisi oqıǵa ornynda qaza tapty. Kólikte bolǵan taǵy úsh er adam túrli dene jaraqattarymen ortalyq aýdandyq aýrýhanaǵa jetkizildi», dedi polıseıler.
Jol-kólik oqıǵasy QR Qylmystyq kodeksiniń 345-baby 3-bóligi «Abaısyzda adam ólimine ákep soqqan kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzý» boıynsha tergelip jatyr.
