«Bilim alý jáne túlekterdiń odan ári jumysqa ornalasýy úshin jaǵdaı jasaýdyń mańyzy óte zor. Máselen, jańa oqý jylynda pedagogıkalyq jáne medısınalyq mamandyqtar boıynsha joǵary bilim alýǵa 1 300-ge jýyq grant bólýdi josparlap otyrmyz. Buǵan qosa áleýmettik kómek boıynsha jeke baǵdarlama qarastyrylǵan. Atalǵan áleýmettik kómekti jaǵdaıy tómen otbasylardan shyqqan talapkerlerge qala ýnıversıtetterinde bilim alýy úshin oqý aqysyn tóleý túrinde kórsetemiz. Bul baǵdarlama boıynsha qujattardy qabyldaý 21 tamyzǵa deıin (qosa alǵanda) jalǵasady. Oqý aqysyn tóleý túrindegi áleýmettik kómek jetim balalar, balalar úıiniń túlekteri, bala kúninen múgedektigi bar, kópbalaly otbasylardan shyqqan balalar arasynda bólinedi», dedi A.Kólginov.
Onyń aıtýynsha, bilim alý eńbek naryǵynda suranysqa ıe mamandyqtar boıynsha júrgiziledi: bıotehnologııa, esepteý tehnıkasy jáne baǵdarlamalyq qamtamasyz etý, geodezııa jáne kartografııa (web-kartografııa), sáýlet (BIM-menedjer jobalaýshy), mektepke deıingi oqytý, jerge ornalastyrý-agroınjenerııa, ınjener, jalpy medısına, pedagogıka, IT mamany, áleýmettik jumys, jylý energetıkasy, azyq-túlik ónimderiniń tehnologııasy, elektr energetıkasy jáne t.b.
Qalanyń joǵary oqý oryndarynda oqý aqysyn tóleý túrinde áleýmettik kómek alý úshin Jumyspen qamtý jáne áleýmettik qorǵaý basqarmasyna (Beıbitshilik kóshesi, 9) habarlasý kerek nemese qujattardy elektrondy túrde egov.kz veb-portalyndaǵy «elektrondyq ótinish» bólimi arqyly tapsyrý qajet.
Áleýmettik kómek otbasynyń bir múshesi úshin 4 eń tómengi kúnkóris deńgeıi mólsherinen (190 088 teńge) aspaıtyn, jan basyna shaqqandaǵy ortasha tabysy bolǵan kezde aqshalaı tólem túrinde taǵaıyndalady.
