Qurlyqtyq doda 4-7 tamyz aralyǵynda ótedi. Oǵan Azııanyń 19 elinen 200-den astam balýan keledi dep kútilýde.
Sportshylar 14 salmaqta synǵa túsedi. Olardyń qatarynda elimizdiń atynan qatysatyn 18 balýan bar. Azııa chempıonaty 4 tamyz kúni saǵat 11:00-de bastalady. Jarystyń alǵashqy kúninde tatamıge erlerden 60, 66, al áıelder arasynda 48, 52 jáne 57 kelige deıingi salmaq dárejesindegi dzıýdoshylar úzdikterdi anyqtaıdy. Ekinshi jarys kúni Nur-Sultan ýaqytymen saǵat 12:00-de bastalady.
Bul kúni erlerden 73, 81, al áıelderden 63 pen 70 kelige deıingi dzıýdoshylar jarys jolyna shyǵady. Jekeleı synnyń sońǵy jarys kúninde erler arasynda 90, 100 jáne 100-den joǵary salmaqtaǵy balýandar, áıelder arasynda 78 jáne 78 keliden joǵary salmaqtaǵy sportshylar beldesedi. Jekeleı synnyń sońǵy jarys kúninde erler arasynda 90, 100 jáne 100-den joǵary salmaqtaǵy balýandar, áıelder arasynda 78 jáne 78 keliden joǵary salmaqtaǵy sportshylar baq synaıdy.
Aıta keteıik, IJF erejesi boıynsha, Azııa chempıonatynyń jeńimpazdary men júldegerlerine Olımpıadalyq reıtıngte upaı sandary qosylady. Jeńimpaz 700 upaıdy enshilese, 2 oryn ıegeri 490, al 3 orynǵa 350 upaıdan úlestiriledi. Erler arasynda Maǵjan Shámshadın (60 keli), Baýyrjan Narbaev (60 keli), Ǵusman Qyrǵyzbaev (66 keli), Erlan Serikjanov (73 keli), Danııar Shamshaev (73 keli), Dıdar Hamza (90 keli), Nurlyhan Sharhan (100 kelige deıin), Islam Bozbaev (100 kelige deıin), Ádil Orazbaev (100 keliden joǵary) el namysyn qorǵaıdy.
Al áıelderde Abıba Ábýjakınova (48 keli), Ǵalııa Tynbaeva (48 keli), Gaýhar Irmagambetova (52 keli), Sevara Nıshanbaeva (57 keli), Prozrachnaıa Narynova (63 keli), Anastasııa Maıakova (70 keli), Arýna Jangeldına (78 kelige deıin), Kamıla Berlıkash (78 keliden joǵary), Nazgúl Maratova (78 keliden joǵary) tatamı tórine shyǵady.
