«Maýsym aıynda aıaq kıim men kıim aılyq mejede 1,4%, jyldyq mejede 9,7% qymbattady. Bir aıdyń ishinde atalǵan taýarlardyń baǵasy Soltústik Qazaqstan, Mańǵystaý jáne Qyzylorda oblystarynda erekshe ósken. Al jyldyq mejede Mańǵystaý jáne Qyzylorda oblystarynyń qataryna Atyraý oblysy qosylǵan», dep jazylǵan málimette.
Byltyrǵy maýsymnan beri er adamdardyń ish kıimi - 15,6%, maıka - 14,9%, djınsy shalbar - 10,7%, sport kıimderi - 10%, shulyq - 9,7%, qysqy kúrteler - 8,7%, júnjeıde - 5,4%, maýsymaralyq palto - 6,7%, kostıým-shalbar - 4,3%-ǵa qymbattaǵan.
Al jazǵy týflı men shaqaı baǵasy - 11,6%, qysqy etik baǵasy - 10,4%, maýsymaralyq báteńke baǵasy - 8,9%, krossovka baǵasy - 7,9%-ǵa ósken.
Áıelder kıiminiń arasynda bir jylda kóılekter - 11,9%, qysqy kúrte - 10,8%, bıýstgalter - 9,6%, kostıýmder men beldemsheler - 9,1%, sport kıimi - 8,8%, halat - 8,3%, teri tondar - 7,9%, djınsy shalbar - 6,4%-ǵa qymbattaǵan.
Balalar kıiminiń ishinde bir jylda fýtbolka - 12,8%, pıjama - 11,9%, shulyq - 10,9%, maýsymaralyq kúrte - 10,5%, qysqy kombınezon - 10,3%, qysqy kúrte - 9,7%, djınsy shalbar - 9,3%, shalbar - 9,1%, sport kıimi - 7,9%, kóılek - 6,8%, júnjeıde - 6,4%, kostıým - 6,2%, oqýshynyń kostıým jıyntyǵy - 5,7%, balalardyń qysqy aıaqkıimi - 15,9%, krossovka - 15%, týflı - 13,4%, qyzdardyń týflıi - 9,7% kóterilgen.
