«Eldegi ınternet jyldamdyǵy bir jyldyń ishinde 22%-ǵa artty. Speedtest Global Index málimetine súıensek, 2022 jylǵy maýsymda mobıldi ınternet jyldamdyǵynyń reıtınginde Qazaqstan 6 satyǵa kóterildi. Iаǵnı, bir aıda mobıldi ınternettiń jyldamdyǵy 20,56 Mb/s-tan 22,53 Mb/s-qa deıin ulǵaıdy. Osylaısha Qazaqstan Reseı, Qyrǵyzstan, О́zbekstan, Belarýs elderinen aıtarlyqtaı alda tur», dep jazylǵan saraptamalyq materıalda.
Al álem boıynsha ınternet jyldamdyǵy eń jyldam kóshbasshy elder qatarynda Norvegııa, BAÁ, Bolgarııa, Ońtústik Koreıa jáne Katar bolyp otyr.
«Bul rette elimizde mobıldi ınternettiń jyldamdyǵy ınternet-trafıkti tutynýdyń ulǵaıýymen qatar ósip kele jatqanyn atap ótken jón. Internettiń damýyna el aýmaǵy aıtarlyqtaı áser etedi. Ol neǵurlym úlken bolsa, kabeldik symdardy jańartý soǵurlym qymbatqa túsedi. Tıisinshe, Qazaqstanda ınternetke qosylý óte qymbat prosedýra. Odan bólek ınternet trafık te ımporttyq ónim bolǵandyqtan baǵa qymbat bolyp tur. О́ıtkeni ony dollarmen satyp alyp otyrmyz. Jalpy, 2021 jyly baılanys sektoryna 128,6 mlrd teńge ınvestısııa salyndy», delingen aqparatta.
Sıfrlyq damý, ınnovasııalar jáne aeroǵarysh ónerkásibi mınıstrligi telekommýnıkasııa komıteti tóraǵasynyń orynbasary Gúlnara Bókeevanyń aıtýynsha, budan bylaı turǵyn úı keshenin salǵan kezde onyń ıesimen qandaı mobıldi operator bolatyny týraly kelisim jasalady.
