Bunyń aǵylshynsha nusqasy álemdi jaýlaǵan soń, basqa tilderde de nusqalary shyǵa bastady. Qazaq tilindegi nusqasy jarııalanǵaly kóp ýaqyt óte qoıǵan joq. Degenmen qazirdiń ózinde qazaqsha «Sózdil» dep atalatyn oıyn jastar arasynda tanymaldyqqa ıe. Ilııas Joldasbaı men Danııar Muhanov esimdi jas baǵdarlamashylar jobanyń qazaqsha nusqasyn jasap shyqqan eken.
«Jalpy Wordle-dy qazaqshalaıyq dep oı tastaǵan Danııar Muhanov degen áriptesim. Ol da «Bolashaq» túlegi, qazir umag.kz kompanııasynda jetekshi androıd programmısi. Wordle.kz domenin alǵan da sol jigit», deıdi Ilııas Joldasbaı.
Jastar Wordle-dyń qazaqsha nusqasyn qurastyryp qana qoıǵan joq, ataýyn da Sózdil dep qazaqshalady. Bul týraly Ilııas Joldasbaı bylaı deıdi: «Wordle sóziniń túbiri word bolǵandyqtan, bizdiń nusqanyń da túbiri sóz bolýy oryndy kórindi».
Kúndelikti jasyrylǵan sózderdi jastar ózderi otyryp ekshelegen. Árbir tańdalǵan sózdiń etistik bolmaýyn ári sózdegi áripterdiń sózde bir ret qana kezdesýin qadaǵalap, muqııat zerdelegen.
«Ýaqyt joǵaltpas úshin open source jobalarǵa júgindik. Open source – kody ashyq, qalaǵan adam oqyp, óziniń keregine qoldana berýge bolatyn tásil. Qazaqsha bes áriptik sózdik qordy alý jáne oıyn logıkasyn júrgizý úshin Github jobacyn qoldandyq», deıdi jastar. Osyndaı irgesi daıyn joba turǵanda qazaqsha «Sózdildi» jasaý eki-aq kúndi alǵanyn tilge tıek etti.
Jastar oıynnyń qazaqsha nusqasyn jasaýdaǵy maqsatyn qazaq tilin nasıhattaý, kónergen qazaqsha sózderdi eske salý, sol sózderdiń qoldaný aıasyn keńeıtý dep túsindiredi. Mysaly, noıys, bıpaz, rásýa degen sııaqty kónergen sózder de qamtylyp, sózdiń maǵynasyn bilmegender bolsa, sol sózben tanysýyna múmkindik bar. Jalpy, oıynda «Sóz maǵynasyn kórý» degen batyrma bar, sol arqyly Sózdikqor saıtyna baǵyttap, jasyrylǵan sózdiń maǵynasymen tereń tanysýǵa bolady.
«Bul jerde biz úshin mańyzdy nárse – qazaq tildi oıynshylardyń shette qalmaı óz tilinde oınaı alýy. Áıtpese, bizde kóp dúnıe tek aǵylshynsha nemese oryssha ǵana shyǵyp qalyp qoıady. Cózdil qazaqshaǵa da suranys bar ekenin kórsetti dep oılaımyn», deıdi Danııar Muhanov.
Wordle.kz bıyl 21 qańtardan bastap kópshilikke usynyldy. Sodan beri jobaǵa shamamen 20 ret ózgeris engizilgen. Alǵashqy kúnderi kópshiliktiń qyzyǵýshylyǵyna bólenip, bir apta ishinde orta eseppen 7 myńǵa jýyq adam oınaıtyn. Jalpy, Wordle.kz jarııalaǵannan beri 400 myńdaı adam oınaǵan.
«Aty shýly kezde kúnine 2 myń adamdaı oınap otyratyn. Qazirgi tańda kúnine 200-deı adam oıynǵa qatysady. Adam sany ósti dep aıtý qıyn, trend bolyp turǵan sáti ótken soń, adamdar basqa nársege kóńilderi burylyp ketti. Túsinikti jaıt. Qazir aıyna ortasha eseppen
1 500 adam qazaqsha sózdil oınaıdy», deıdi I.Joldasbaı.
Sondaı aq jastar búginde Wordle oınaıtyndar azaıǵanyn tek qazaqstandyq emes álemdik tendensııa ekenin alǵa tartty. Bıylǵy aqpan aıynda Wordle-dy The New York Times gazeti 1 mıllıon dollarǵa satyp alǵany týraly aqparat tarady. Basylym oıyndy naqty qandaı somaǵa satyp alǵanyn málimdegen joq. Degenmen onyń jeti sıfrdan turatyn qarajat ekenin jarııalady. Oıyndy qurastyrýshysy, baǵdarlamashy Djosh Ýordldan satyp alǵan. Mundaı usynys Wordle.kz avtorlaryna tústi me degen suraǵymyzǵa jastar ázil-shyny aralas bylaı dep jaýap berdi.
«Nıý Iork Taıms mıllıondaǵan dollarlarǵa Wordle-dy satyp alypty degendi estigende biz óz aramyzda «Sózdildi» qaı BAQ satyp alady eken dep ázildegenbiz. Áńgimemiz sol ázilden ári asqan joq. Shyndyǵyn aıtqanda, monetızasııasy joq jobaǵa eshqandaı ınvestor aqsha shashqysy kelmeıdi», deıdi oıyn avtorlary.
Wordle – osy jyldyń basynda álemge keń taraǵan shaǵyn oıyn. Ony Djosh Ýordl esimdi brıtandyq baǵdarlamashy oılap taýyp, sonyń tegimen atalǵan. Bir qyzyǵy, Ýordl bul oıyndy 2020 jyly jahandy jaılaǵan pandemııa kezinde jubaıy ekeýi ermek úshin oılap tapqan eken. Erli-zaıyptylar The New York Times krossvordtaryn sheshýge mashyqtanyp, ózderiniń jetildirilgen nusqasyn jasaýǵa sheshim qabyldaıdy. Sóıtip, óz nusqasyn ázirlegennen keıin Djosh ony WhatsApp messendejeri arqyly otbasylyq chatqa jiberedi. Oıyn kópshiliktiń kóńilinen shyǵyp, 2021 jyldyń qazan aıynda Djosh oıyndy jelige júkteıdi.
Oıyndy kópshilikke jarııalamas buryn Djosh bes áripten turatyn 12 myńǵa jýyq aǵylshyn sózin jınaqtaǵan. Jalpy, oıyn sharty boıynsha bir kúnde bir ǵana sóz, ıaǵnı sol saıtqa kirgen búkil adamǵa, birdeı sóz jasyrylady. Sózdi tabýǵa 6 múmkindik beriledi. Basty qyzyqtyratyn jeri ol oıynǵa kirgen bette eshqandaı bir keńes berilmeıdi. Iаǵnı sózjumbaqtaǵydaı tapsyrmalar joq, tek kezdeısoq áreket etý kerek. Oıyńyzǵa kelgen qandaı da bir 5 áripti sózdi jazý arqyly ǵana sol keńes, kómekti ala alasyz. Kómek túri de erekshe. Jasyrylǵan sózde qaı áriptiń bar joǵyn túsiný úshin tústerge qaraý kerek. Ár múmkindikten keıin sharshy túsi ózgerip, jaýapqa qansha jaqyn ekenińizdi kórsetedi. Iаǵnı sur tús shyqsa, ondaı árip múlde joq, sary bolsa, bar, alaıda turǵan orny qate. Al jasyl bolsa, ol árip jasyrylǵan sózde bar ári ornyn da durys tapqansyz.
Bolashaq baǵdarlamasymen sheteldik joǵarǵy oqý oryndarynda bilim alyp qana qoımaı, alǵan bilimimen qoǵamǵa, elge septigin tıgizýge talpynatyn Ilııas pen Danııar syndy qazaq jastarynyń bar bolǵany qýantady. Mundaı jastardyń jobasy qoldaý tapsa, elge paıdasy tıetin túrli jobalar júzege asary sózsiz.
