Taraptar saýda-ekonomıkalyq, ınvestısııalyq, kólik-logıstıkalyq salalardaǵy, energetıka jáne agroónerkásiptik sektordaǵy yntymaqtastyq máselelerin talqylady. QR Premer-Mınıstri Qazaqstan Uıym elderimen strategııalyq seriktestikti odan ári nyǵaıtýǵa múddeli ekenin atap ótti.
«Bizde saýda jáne ınvestısııalyq yntymaqtastyqty damytýdyń áleýeti zor. Qazaqstan barlyq ınvestorlar úshin qolaıly iskerlik ahýaldy odan ári qamtamasyz etýge daıyn. Sondyqtan osy múmkindikti paıdalana otyryp, Keńes elderiniń isker toptaryn birlesken jobalardy iske asyrýǵa shaqyramyn», dedi Álıhan Smaıylov.
Úkimet basshysy Qazaqstan Parsy shyǵanaǵy elderine joǵary sapaly un, maıly daqyldar jáne basqa da aýyl sharýashylyǵy daqyldaryn jetkizýdi ulǵaıtýǵa, sondaı-aq tranzıt salasyndaǵy ózara is-qımyldy, onyń ishinde Transkaspıı halyqaralyq kólik baǵdaryn damytý esebinen nyǵaıtýǵa daıyn ekenin atap ótti. Bul rette Álıhan Smaıylov memleketaralyq baılanystardy odan ári damytý úshin ushý geografııasyn keńeıtý máselesin pysyqtaý, onyń ishinde Qazaqstannan Oman men Bahreınge tikeleı reıster ashý qajet ekenin aıtty. О́z kezeginde Naıef Falah Mýbarak Ál-Hadjraf QR Prezıdenti Qasym-Jomart Toqaevtyń jaqynda Saýd Arabııasyna jasaǵan sapary arab elderimen qarym-qatynasty nyǵaıtýǵa úlken úles qosqanyn atap ótti.
«Parsy shyǵanaǵy elderiniń Qazaqstanǵa ınvestısııa salý boıynsha kóp josparlary bar. Yntymaqtastyqtyń ózara tıimdi baǵyttaryn aıqyndaý úshin birlesken bıznes-forýmdar uıymdastyrý qajet dep sanaımyz. Atap aıtqanda, biz energetıka, aýyl sharýashylyǵy jáne bilim berý salalaryndaǵy seriktestikti damytýǵa múddelimiz», dedi Parsy shyǵanaǵyndaǵy Arab memleketteriniń yntymaqtastyǵy keńesiniń bas hatshysy.
