«Nur-Sultan qalasynyń kámeletke tolmaǵandardyń isi jónindegi mamandandyrylǵan aýdanaralyq soty qalalyq Bilim basqarmasynyń «K» esimdi áıelge qatysty azamattyq isti qarady. Bul turǵyda basqarma onyń úlken qyzyna qatysty ata-ana quqyǵynan aıyrý jáne alıment óndirip alýdy talap etti», delingen habarlamada.
Málim bolǵandaı, atalǵan áıel kishi qyzyn úıde ashylǵan jekemenshik balabaqshaǵa táýlik boıy turýǵa bergen. Ol balabaqshanyń ruqsat qujattary bolmaǵan. Áıel balabaqshaǵa aqy tólemegen jáne qyzyna bir aıdan astam ýaqyt kelmegen. Al úlken qyzy ájesiniń qaraýynda bolǵan.
«2022 jylǵy sáýirde jeke úıdegi balabaqshada bolǵan onyń kishi qyzy qaıtys boldy. Qylmystyq is qozǵalyp, tergeý amaldary júrip jatyr. Balanyń denesinde kóptegen dene jaraqattary bolǵan. Sot sheshimimen «K» úlken qyzyna qatysty ata-ana quqyǵynan shettetildi. Balanyń bolashaq taǵdyryn anyqtaý úshin úlken qyzy «Nur-Sultan qalasynyń bilim basqarmasy» MM-niń qaraýyna berildi. Anasynan alıment óndirip alyndy», dep habarlady qalalyq sottaǵylar.
