Jarystyń kezekti kúninde 200 metr qashyqtyqqa kanoede esý boıynsha synǵa túsken Qazaqstan komandasynyń ókili, Azııa chempıonatynyń birneshe dúrkin jeńimpazy men júldegeri atanǵan 24 jastaǵy Vıktor Stepanov 39,44 ýaqyt kórsetkishimen márege úshinshi jetip, álem birinshiliginiń qola júldegeri atandy. Bas júlde Polsha sportshysy Oleksıı Kolıadıchke buıyrsa, germanııalyq Nıko Pıkert kúmis júldeni enshiledi.
Aıta keteıik, bul – Qazaqstan quramasynyń baıdarka men kanoede esý boıynsha 17 jyldan keıin jeńip alǵan alǵashqy, jalpy ekinshi medali. Buǵan deıin jerlesterimizden 2005 jyly uıymdastyrylǵan álemdik dodada Jeńis Satybaldın de el qorjynyna qola júlde salǵan bolatyn. Jeńis te sol jyly dál osy qashyqtyqta márege úshinshi bolyp jetken edi.
