«Tintý kezinde kúdiktilerden taratýǵa daıyndalǵan 15 paket sıntetıkalyq esirtki (mefedron) tárkilendi. Olardyń áleýmettik jelidegi hat-habarlaryn zerdeleý barysynda kúdiktiler esirtkini jasyryn oryndarǵa qoıǵany anyqtaldy», dedi Shuǵyla Turlybek Ishki ister mınıstrliginde ótken brıfıngte.
«Klıenttermen» hat almasýda kórsetilgen oryndarda polısııa qyzmetkerleri Taraz qalasy men onyń mańaıynda jasyrylǵan esirtkini alty saǵattyń ishinde taýyp, joıdy.
«Nátıjesinde mefedron jasyrylǵan 29 oryn anyqtaldy. Barlyǵy 44 doza tárkilendi. Ustalǵandar kinálaryn moıyndap, Taraz qalasynyń ýaqytsha ustaý ızolıatoryna qamaldy», dedi IIM ókili.
