Medısına mekemesin aralaý barysynda mınıstr mammografııa kabınetine ótip, mammografııalyq apparattyń PACS júıesine qalaı qosylǵanymen tanys boldy. Atalǵan júıe pasıenttiń aýrýynyń tarıhyn birneshe dárigerdiń bir júıeden kórýine jáne ýaqytty barynsha únemdeýge kómek beredi. PACS júıesi Qyzylorda oblysynyń 13 medısınalyq uıymyna engizilgen.
Sondaı-aq mınıstr oblystyq densaýlyq saqtaý basqarmasy medısınalyq uıymdarmen tyǵyz jumys istep, sıfrlandyrý baǵytynda jumystardy kúsheıtý qajettigin atap ótti.
Budan keıin B.Mýsın Qyzylorda qalasynyń halyqqa qyzmet kórsetetin sıfrly keńseniń jumysymen tanysty. Atalǵan sıfrly keńsede osy jyldyń 6 aıynda azamattarǵa 22 129 memlekettik qyzmet kórsetilgen.
Vedomstvo basshysy tústen keıin Qyzylorda qalasyndaǵy «Dostyq úıinde» óńir turǵyndarymen kezdesip, olardyń suraqtaryna jaýap beredi.
