Toǵyzynshy týr aıasynda ótken básekede jerlesterimiz Bolgarııa shahmatshylarynan 3:1 esebimen basym tústi. Bul kezdesýde Jansaıa Ábdimálik pen Gúlishan Naqbaeva Qazaqstan quramasyna jeńis syılasa, Bıbisara Asaýbaeva men Ksenııa Balabaeva kezdesýdi teń eseppen aıaqtady. Toǵyz týrdan keıin áıelder arasyndaǵy álemdik reıtıngte Polsha quramasy kósh bastap tur. Ekinshi orynǵa Úndistan quramasy jaıǵasqan. Úzdik úshtikti Qazaqstan shahmatshylary túıindep tur.
Al Qazaqstannyń erler quramasy toǵyzynshy týrda Serbııa quramasymen oınap, 1:3 esebimen utylyp qaldy. Murtas Qajyǵalıev pen Arystanbek Orazaev oıyndaryn teń aıaqtasa, Rınat Jumabaev pen Álisher Súleımenov jeńilip qaldy. Jerlesterimiz bul sátsizdiginen keıin álemdik reıtıngte 25-orynǵa tústi.
