Túrkistan oblysynyń «Maqtaaral» klýby kýbok jolyndaǵy básekeniń tórtinshi týrynda-aq pleı-off máselesin sheship qoıǵan bolsa, besinshi týrda kelesi kezeńge joldama alǵan taǵy tórt klýb belgili boldy. Olar: «Qaırat», «Taraz», Shahter» jáne «Astana». Almatylyq klýb ótken týrda syrt alańda «Ordabasy» klýbynan 3:1 esebimen basym tússe, «Taraz» Qostanaıda «Tobyldy» 3:5 esebimen tize búktirdi. Sondaı-aq Qaraǵandynyń «Shahteri» Túrkistanda «Turandy» jeńip ketti – 2:0. Al «Astana» óz alańynda «Jetisýmen» teń tússe de (2:2), kelesi kezeńge shyqty.
«Ordabasy», «Atyraý», «Qaısar», «Kaspıı» jáne «Aqjaıyq» klýbtarynda áli de pleı-offqa shyǵý múmkindikteri bar. Ol úshin atalǵan komandalar altynshy týrda jeńiske jetýi kerek. Al «Aqtóbe», «Tobyl», «Turan», «Aqsý», «Qyzyljar» jáne «Jetisý» toptyq kezeńnen shyǵa almady.
