Kúdikti sıntetıkalyq esirtki zatyn ótkizýmen aınalysqany úshin kináli dep tanyldy. О́tken jyldyń maýsym aıynda 27 jastaǵy azamatsha «pırrolıdınovalerofenon» (α-PVP) esirtki zatyn polıetılen paketke salyp, 11 000 (on bir myń) teńgeden satyp júrgen jerinen ustalǵan bolatyn.
Bul derek boıynsha, QR QK-niń 297-baby 2-bóligi boıynsha (iri mólsherdegi esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizýge) qylmystyq is qozǵaldy. Keıinnen is sotqa joldanyp, onyń barysynda atalǵan azamatshanyń kinási tolyǵymen dáleldendi.
«Kúdikti buǵan deıin Túrkistan oblysy Saıram aýdandyq sotymen QK-niń 296-baby 4-bóligimen 3 jyl 6 aı merzimge sottalǵany eskerilip, osy úkimmen taǵaıyndalǵan jazaǵa ishinara qosý arqyly túpkilikti 7 jyl merzimge bas bostandyǵynan aıyrý jazasy taǵaıyndaldy» delingen Shymkent qalasy polısııa departamentiniń baspasóz qyzmeti taratqan aqparatta.
