Jas tennısshiler jarady

О́zbekstanda ótken 18 jas­qa deıingi tennısshiler ara­syndaǵy úshinshi sanattaǵy ITF týrnırinde qazaqstandyq Asyljan Arystanbekova men Aııa Nupbaı top jardy. Aııa men Asyljan juptyq synda baq synap, fınalda taǵy bir qazaqstandyq Ádemi Amankeldi men reseılik Vıktorııa Mılo­vanova jubyn utty – 6:4, 6:7 (5:7), 10:7. Osylaısha, qazaqstandyq dýet óz sporttyq jolynda je­tinshi, bıylǵy besinshi tıtýlyna qol jetkizdi.

Sondaı-aq Ońtústik Afrı­ka Respýblıkasynda birinshi sa­nat­taǵy ITF Juniors jarysy aıaq­taldy. Munda Janel Rús­temova juptyq synda fı­nalǵa de­ıin jetip, estonııa­lyq Elızabet Lılamen birge soń­ǵy básekede dodanyń ekinshi ra­ketkalary ulybrıtanııalyq Ella Makdonald pen ıtalııalyq Anna Paradısıge jol berdi – 1:6, 3:6.

Budan bólek, qazaqstandyq jas tennısshiler 14 jáne 12 jasqa deıingiler arasynda Tennis Europe saıystarynda da tabysty óner kórsetti. Germanııanyń Aýsbýrg qalasynda uıymdastyrylǵan Bavarian Junior Open (U14) jarysynda Sofıa Isakova juptyq synda ýkraınalyq Anastasııa Sorskamen birge fınalda ıs­panııalyq Vega Fernandes pen chehııalyq Vanessa Svobodovaǵa ese jiberdi – 3:6, 6:4, 4:10. Jekeleı synda S.Isakova jartylaı fınalǵa deıin jetti.

Al Belgradta 12 jasqa de­ıingiler arasyndaǵy jarysta Gıorgı Bregvadze irikteý sa­ıystarynan bastap negizgi dodada serbııalyq, germanııalyq, ızraıldik qarsylastaryn tize búktirdi. Shırek fınalda fran­sııalyq tennısshiden aılasyn asyrdy – 6:2, 7:6. Tek jartylaı fınalda reseılik Tımýr Gordeevten utylyp qaldy. Al juptyq synda dál osy reseılik T.Gordeevpen birge jup qurap, fınalda slovenııalyq-makedonııalyq dýetten jeńildi – 2:6, 7:6 (7:2), 0:10. Osy jarystyń qyzdar básekesinde Lınara Bólesheva men Sofıa Kırova fınalda sýper taı-breıkte ǵana reseılikterge ese jiberdi – 6:4, 6:7 (2:7), 8:10.

Al birer kún buryn О́ske­mende áıelder arasyndaǵy ITF World Tennis Tour W25 týrnıri bastaldy. Júlde qory 25 myń AQSh dollaryna baǵalanǵan jarystyń irikteý satysynda óskemendik Málıka Ámirǵalıeva tamasha óner kórsetti. Má­lıka WTA reıtınginde joq­ty­­ǵyna qaramastan, irikteý sa­ıystarynyń fınalynda álemniń 1990-raketkasy reseılik 18 jastaǵy Nıkol Mıshıevadan 6:1, 6:4 esebimen basym tústi. Sóıtip, negizgi kezeńge joldama aldy. Osylaısha, Kazzinc Open jarysynda bes birdeı qazaqstandyq sportshy, atap aıtqanda Jibek Qulambaeva, Gózal Aınıtdınova, Marııa Sınısyna (ýaıld kard), Tatıana Nıkolenko (ýaıld kard) jáne Málıka Ámirǵalıeva baq synaıtyn boldy.