«Búgingi kúni Syrdarııa ózeniniń arnasyn retteý jáne Aral teńiziniń soltústik bóligin saqtaý jónindegi jobanyń birinshi kezeńi (SARATS-1) aıasynda salynǵan Kókaral bógeti qaıta jańartýdy talap etedi. Sý kólemi 27 mlrd tekshe metr bolatyn shaǵyn Aral teńiziniń bir oblysta ǵana emes, áleýmettik-ekonomıkalyq damýǵa aıtarlyqtaı áser etetinin eskere otyryp, Memleket basshysy 2019 jyly Úkimetke shaǵyn Araldy saqtaý boıynsha is-sharalar qabyldaýdy tapsyrdy», dedi Úkimet basshysy depýtattar joldaǵan saýalǵa bergen jaýabynda.
Premer-Mınıstr bul másele Úkimettiń nazarynda ekenin aıtty.
«Osyǵan baılanysty, 2020 jyly «Kókaral bógetin saqtaý jáne Syrdarııa ózeniniń saǵasyn qalpyna keltirý» jobasynyń jobalaý-smetalyq qujattamasyn ázirleýge respýblıkalyq bıýdjetten 100,5 mln teńge bólindi. Búgingi tańda jobalyq-smetalyq qujattama ázirlendi. Jobanyń JSQ-syna memlekettik saraptama qorytyndysy osy jyldyń qyrkúıek aıynda shyǵýy kerek. Qurylys-montaj jumystaryn 2023 jyly bastaý josparlanyp otyr», dedi Álıhan Smaıylov.
