Biraq «Sırk» aıaqtaldy. Neo-ımpressıonıst sýretshi Maksımılıan Lıýs kartınanyń núktesin qoıdy. Jorj-Per Sera Parıjdegi kórmesiniń bastalǵanyna 1 apta ýaqyt ótpeı jatyp, sýretkerdiń kenetten kóz jumǵany týraly habar jetedi. Seranyń óliminiń naqty sebebi áli anyqtalǵan joq. Dárigerler qoıǵan dıagnoz boıynsha dıfterııa, ınfeksııalyq endokardıt, pnevmonııa, menıngıt syndy túrli aýrýdyń áserinen qaıtys bolýy múmkin.
Jalpy, Sera – neo-ımpressıonızmniń negizin salýshy, dıvızıonızm nemese pýantılızm dep atalatyn keskindemeniń ózindik ádisin jasaǵan. Sonysymen de oqyrmannyń esinde qaldy. Atalǵan shyǵarma fransýz halqynyń kankan bıin kóz aldyńyzǵa ákeledi. Alǵashynda fransýzdar bıdi baǵalamaǵan, óıtkeni ol óte ádepsiz ónerdiń jemisi dep sanaldy. Alaıda kóp uzamaı bılik tarapynan arnaıy qurylǵan komıssııa Parıj qalasynyń bıýdjetine kiris ákele bastaǵan bıdi oryndaýǵa ruqsat beredi. Osylaısha, bul bı sırkte de oryndalatyn boldy.
Búkil kompozısııa matematıkalyq turǵydan óte dál syzylǵan. Sýrettegi árbir núkteniń ózindik orny bar. Barlyq keıipker qatań belgilengen kók torǵa sáıkes ornalastyrylǵan. Sırk atmosferasyn jetkizý úshin avtor kún saıyn osynda kelip, ártúrli eskız syzdy. Sheberge shabandozdar, saıqymazaq qalpaqshalar qyzyq kórindi. Olardan mán izdedi.
Aldyńǵy planda kórip otyrǵan saıqymazaq kankan bıleýde. Bir qaraǵanda, kloýndy sırk qoıylymynyń uıymdastyrýshysy dep oılaısyz, ekinshiden ony qarapaıym kórermen retinde qabyldaýǵa bolady. At ústinde akrobatıkalyq trıýktardy oryndap jatqan gımnast adamǵa shattyq sezimin syılaıdy.
Bir qarasyńyz kartına qozǵalysta júrgen sekildi, dese de, avtor bir sáttik kórinisti qaǵazǵa qondyrǵan. Kórermen retinde basqa keıipkerlerdi tanı alasyz. Keneptiń ózine tán ereksheligi – kók, sary jáne qyzyl tústermen ǵana shektelýi. Bul – qylqalam sheberiniń qoltańbasy.
Jetisý oblysy
