QONAQBAEV TÝRNIRI QANAT QAQTY

Aqtóbe qalasyndaǵy “Qonys” sport sa­raıynda Olım­pııalyq oıyndardyń kúmis júl­degeri, Álem kýbogynyń eki dúrkin ıegeri, eki márte Eýropa chempıony, KSRO-ǵa eń­begi sińgen sport sheberi Serik Qonaq­baev­tyń júldesi úshin boks­­tan XVIII halyq­ara­lyq týrnır saltanatty jaǵdaıda ashyldy. Boks dese ishken asyn jerge qoıatyn jan­kúıerlerdi, týrnırge qatysýshylardy Aq­tóbe oblystyq boks federasııasynyń pre­zıdenti, Aqtóbe qalasynyń ákimi Arhımed Muhambetov quttyqtady. Týrnırge qatysýshylar men kórer­men­derge aıtýly sport sań­la­ǵy, qazirgi Par­la­ment Májili­siniń depýtaty Serik Qonaq­baev jyly lebizin arnady. Osyndaı sharadan úmit kemesine otyratyn jas urpaq­tyń boı­ynda sportqa degen qy­zy­ǵýshylyq týaty­nyna qýanyshtyly­ǵyn jasyr­mady. Kúni erteń-aq Aqtóbeden de “sen tur, men ataı­yn” sańlaq boksshylar qaýlap ósip shy­ǵa­tynyna, álem chem­pıony Galıb Jafarovtyń izbasarlary burynǵydan kóbeıe túsetinine senim artty. О́ziniń atyndaǵy týrnırdiń elimizdiń óńirlerinde kezektesip ótkizilýiniń maqsaty da osy ekenin jet­kiz­di. Osylaı jal­py sportty, sonyń ishinde boksty nası­hat­taı otyryp, jastardy salamatty ómir sal­tyn ustanýǵa molynan tartý kerektigin málim­dedi. Bokstan ótip jatqan halyq­ara­lyq ja­rystyń bas tóreshisi Valerıı Laptev kez­de­sýler kezinde qııanat bolmaı­ty­nyna sendirdi. Týrnırdiń saltanatty ashylýy­nan soń aldyn ala jekpe-jekter jalǵasty. Fınal­dyq kezdesýler senbi kúni ótki­ziledi. Munda Qa­zaqstan, Reseı, AQSh, Tájikstan, Ar­menııa, Túrkimenstan, О́zbek­stan, Ýkraına­nyń, sondaı-aq Qa­zaq­stan­nyń barlyq ob­lystarynyń qurama komandalary qa­ty­sýda. Jarystyń júldelik qory 110 myń dol­lardy qu­raı­dy. Týr­nırdiń demeýshileri – “Tassaı” saýda belgisi, “Dı­na” sýper- marke­tter jelisi jáne “Keńes” jıhaz úıi. Satybaldy SÁÝIRBAI, Aqtóbe oblysy.