Qazaqstan tennıs federasııasynyń málimeti boıynsha, Kýkýshkın bastapqy kezdesýin amerıkalyq Govında Nandamen ótkizip, eki saǵattan asa ýaqytqa jalǵasqan tartysty básekede 3:6, 6:4, 6:3 esebimen jeńiske jetti. Endi jerlesimiz týrnırdiń ekinshi kezeńinde horvatııalyq Born Goıomen kezdesedi. Ol alǵashqy aınalymda álemniń 102-shi, osy jarystyń 1-raketkasy shveısarııalyq Henrı Laaksonendi 3:6, 7:6 (7:5), 6:4 esebimen utqan.
Sondaı-aq Kanadanyń Toronto qalasynda ótip jatqan Masters dodasynda Iýlııa Pýtınseva juptyq synda amerıkalyq Sofııa Kenınmen birge alǵashqy aınalymda majarstandyq Anna Bondar men belgııalyq Kımberlı Sımmermannan basym tústi – 7:6 (12:10), 7:5. О́kinishke qaraı, Kanadanyń Monreal qalasyndaǵy týrnırge qatysqan Qazaqstannyń birinshi raketkasy Aleksandr Býblık alǵashqy kezdesýinde utylyp, jarystan shyǵyp qaldy. Sol sııaqty Dmıtrıı Popko men Tımofeı Skatov ta Chıkagodaǵy jáne San-Marınodaǵy Chellendjer týrnırleriniń alǵashqy aınalymynan árige asa almady.
