Jeńimpazdar men júldegerlerge kelesi mólsherde birjolǵy syıaqy kórsetilgen sertıfıkat tapsyrylady:
- I dárejeli dıplom men altyn medal úshin - 1500 AEK (4 594 500 teńge);
- II dárejeli dıplom men kúmis medal úshin - 1000 AEK (3 063 000 teńge);
- III dárejeli dıplom men qola medal úshin - 500 AEK (1 531 500 teńge).
Pedagogterge kelesi mólsherde birjolǵy syıaqy kórsetilgen sertıfıkat tapsyrylady:
- I dárejeli dıplom men altyn medal ıegerin daıyndaǵan pedagogke - bazalyq laýazymdyq aılyqaqynyń 26,5 eselengen mólsherinde;
- II dárejeli dıplom men kúmis medal ıegerin daıarlaǵan pedagogke - bazalyq bilim;
- III dárejeli dıplom men qola medal ıegerin daıyndaǵan pedagogke - bazalyq EU-nyń 8,5 eselengen mólsherinde tólenedi.
Birjolǵy syıaqy alý úshin úmitkerler «Daryn» RǴPO-ǵa kelesi qujattardy usynady:
- Jeke basyn kýálandyratyn qujattyń (bar bosa) nemese týý týraly kýáliktiń nemese pasporttyń kóshirmesi;
- I, II, III dárejeli dıplomdardyń kóshirmeleri;
- aǵymdaǵy banktik shottyń derektemeleri;
- pedagogtiń jumys ornynan anyqtama;
- pedagog týraly derekterdi kórsete otyryp, birjolǵy syıaqy ıegeriniń oqý ornynan anyqtama.
Pedagogter eki jáne odan da kóp jeńimpazdar men júldegerlerdi daıyndaǵan kezde birjolǵy syıaqy árbir jeńimpaz ben júldeger úshin tólenedi.
Bilim alýshylarǵa eki jáne odan da kóp pedagogty kórsetken kezde birjolǵy syıaqy somasy kórsetilgen pedagogter arasynda teń proporsııada bólinedi.
Birjolǵy syıaqy respýblıkalyq bıýdjet qarajaty esebinen tólenedi.
Buıryq 2022 jylǵy 21 tamyzdan bastap qoldanysqa engiziledi.
