ShQO Tótenshe jaǵdaılar departamenti baspasóz qyzmetiniń málimetine súıensek, Altaı qalasynda Ostrovskıı kóshesindegi jeke turǵyn úıde órt shyqty. Qyzyl jalyn úı shatyrynyń aǵash qurylymdaryna, kireberisi men monshaǵa jaıyldy.
«О́rtti sóndirýge 3 tehnıka men jeke quramnan 7 adam jumyldyryldy. Kóp uzamaı 164 sharshy metr alańdaǵy tilsiz jaý tolyqtaı aýyzdyqtaldy. Úı ıesiniń azamattyq nekedegi jubaıy denesin kúıik shalyp, aýrýhanaǵa jatqyzyldy. Qazir jalynnyń shyǵý sebebin mamandar anyqtap jatyr», delingen aqparatta.
Jyl basynan beri óńir boıynsha jeke turǵyn úılerde 100-den astam órt boldy. Olardyń kóbisinde - otty abaısyz qoldanýdan, elektr quraldaryn paıdalaný jáne peshpen jylytý kezinde qaýipsizdik erejelerin saqtamaý saldarynan órt shyqqan.
