Kýrchatovta medısına mamandary tapshy

Ǵylym salasy jolǵa qo­ıyl­ǵan mo­no­shahardaǵy kóp­salaly aýrýhanaǵa 10 myń­daı adam tirkelgen. Alaıda qa­jetti mamannyń tapshyly­ǵynan ha­lyq­qa sapaly medı­sı­na­lyq qyz­met kórsetý qıyn bolyp tur.

Atalǵan medısınalyq uıym­nyń bas dárigeri Záýre Sa­dy­bekova qazir ǵı­marattyń ekin­­shi qabatynda kúrdeli jón­­deý jumystary júrgizilip jat­qanyn aıtty.

«Bizdiń aýrýhana 1980 jyly salyn­ǵan. Kýrchatovta tek bir aýrýhana, ıaǵnı bizdiń uıym ǵana halyqqa qyzmet kór­setip keledi. Alaıda tirkelgen ha­lyq­tyń sany – 10 myń. Mekemede táýlik boıy qyzmetke arnalǵan 35 tósektik oryn, alǵashqy medı­sı­na­lyq-sanıtarlyq kómek qyz­meti, qabyldaý bóliminiń ju­mysy jáne klınıkalyq-dıagnostıkalyq emhana jolǵa qoıylǵan. Bıyl ekinshi qabatqa 73 mln teńgege kúrdeli jóndeý júrgizilip jatyr. 100 kılovatt-saǵat bolatyn dı­zel stansasy salyndy. Sonymen qatar aýrýhana 24 mln teńgege lıft jab­dyq­tarymen qamtamasyz etildi», dedi Z.Sadybekova.

Bul oraıda medısınalyq uıym ǵı­ma­ratynyń basqa da qa­battary jón­deýdi qajet ete­tini aıtyldy. Sony­men qosa munda keıbir jabdyqtar men kadr­lar jetispeıdi.

«Únemdelgen qarajat esebi­nen aýmaq­ta kórkeıtý jumys­tary júr­gizilip, tas tósemderi ornatyldy. Ke­lesi jyly ǵı­ma­­rat­tyń qalǵan qa­bat­taryna kúr­deli jóndeý júrgizý josparlanyp otyr. Negizi jobalyq-smetalyq qujat daıyn bolǵan. Biraq onyń ýaqyty eskirip ket­kendikten jańasy daıynda­lyp jatyr. Me­dısınalyq jab­dyqtar da qajet. Nege de­seńiz, bosandyrý bólmesin ekinshi deńgeıge aýystyrý josparlanyp otyr. Sondyqtan bosandyrý bó­limshesin balalar men eresekterge arnalǵan ókpeni jasandy jedeldetý apparatymen ja­raq­taý qajet.

Budan bólek, kadr máselesi ózekti. Mysaly, bizge hırýrg, pedıatr, kardıo­log jáne gınekolog syndy mamandar je­tis­peı­di», dedi aýrýhananyń bas dárigeri.

Sondaı-aq medısınalyq uıymnyń basshysy aýrýhanaǵa kireberis joldyń joqtyǵyn aıtyp, jaryqtandyrý máse­lesi sheshimin tapsa eken degen ótini­shin jet­kizdi. Sebebi keshki ýa­qyttarda bul mań­nan aýrý­ha­naǵa aparatyn joldy tabý qıyn.

О́ńir basshysy Kýrchatovtaǵy áleý­met­tik-ekonomıkalyq máse­le­ler­di, onyń ishinde jer­gilikti densaýlyq saq­taý sala­syn retteý úshin qalaǵa «ǵy­lym qala­shy­ǵy» mártebesin berý kerek dep sanaıdy. Osy arqyly jo­ǵa­rydaǵy qordalanǵan problemalar laıyqty sheshimin tabar edi deıdi oblys ákimi.

Abaı oblysy,

Kýrchatov qalasy