Keshtiń basty aıqastarynyń birinde ekinshi eń jeńil salmaqtaǵy WBC tujyrymy boıynsha álem chempıony amerıkalyq Djessı Rodrıges (16-0, 11 KO) meksıkalyq Israel Gonsalespen (28-4-1, 11 KO) ótetin kezdesýde belbeýin qorǵaıdy. Ekinshi orta salmaqtaǵy qazaqstandyq Álı Ahmedov (18-1, 14 KO) amerıkalyq ardager boksshy Gabrıel Rosadomen (26-15-1, 15 KO) Soltústik Amerıkanyń IBF beldigin sarapqa salady. Orta salmaqtaǵy amerıkalyq Ostın Ýılıams (11-0, 9 KO) brıtanııalyq Kıron Konveımen vakantty WBA International belbeýi úshin judyryqtasady. Sondaı-aq ekinshi orta salmaqtaǵy AQSh ókili Dıego Pacheko (15-0, 12 KO) Pýerto-Rıko boksshysy Enrıke Kollazomen (16-2-1, 11 KO) jekpe-jek ótkizedi.
Al reıtıngtik kezdesýlerde amerıkalyq Mark Kastro men meksıkalyq Kevın Mendosa, Aarona Aponte (AQSh) men Fernando Anhel Molına (Meksıka) jáne amerıkalyqtar Entonı Errera men Delvın Makkınlı sharshy alańǵa shyǵady. Aıtýly boks keshi 17 qyrkúıekke josparlanǵan.
