ASTANADA – AZIIа ChEMPIONATY

Jeksenbi kúni Astanada Týrızm jáne sport mınıstrligi, qala ákimdigi men respýblıkalyq Taekvondo federasııasynyń uıymdastyrýymen tuńǵysh ret sporttyń osy túriniń tehnıkasyn kórsetý (pýmse) boıynsha Azııa chempıonaty men WTF versııasynan HIH qurlyqtyq básekesi ótedi. Oǵan 20 eldiń 380 sportshysy qatysady. Sonymen birge, mınıstrliktiń Sport isteri jónindegi komıtetiniń tóraǵasy Elsııar Qanaǵatovtyń aıtýynsha, sportshylardan basqa chempıonatqa 28 eldiń tehnıkalyq jáne tórelik jasaıtyn qyzmet­kerleri qatysyp, tájirıbelerimen bólisedi. Osy tusta Azııa chempıo­na­tynyń Astanada alǵash ret ótki­ziletindikten atalmysh mınıstrlik­tiń bastamasymen 14-18 mamyr kúnderi taekvondodan tuńǵysh ret álemniń 35 eliniń ókilderi qatys­qan tóreshilerdiń halyqaralyq semınar men Azııa taekvondo odaǵy Bas Assambleıasynyń kezekti májilisi ótkenin atap ótý jón. Sársenbide, atalmysh jıynnyń sońǵy kúni ATO basshysy Daı Son Leı halyqaralyq semınar men Bas Assambleıa otyrysynyń joǵary deńgeıde ótkenin, onda Qazaq­stan­da sporttyń osy túriniń damýyna qatysty birqatar máselelerdiń de qaralǵanyn atap ótti. Onyń aıtý­ynsha, qazirgi kúni Qazaqstan Azııa qurlyǵy boıynsha taekvondony damytýda besinshi, al álemde on jetinshi oryndy ıelenip otyr. Aldaǵy kezde ATO elimizde taek­von­donyń nasıhattalyp, onyń da­mýyna qolda bar múmkindikti kór­setetin bolady. Al bıylǵy Azııa chempıonatyna keler bolsaq, Qazaqstan taekvondo federasııasynyń prezıdenti Sham­sat Isabekov, memlekettik jattyq­tyrýshy Maqsut Narbaev pen ult­tyq quramanyń bas bapkeri Qaırat Qyrǵyzbaev elordada ótetin báse­ke­de erler jáne áıelder qurama­sy­nyń búgingi tańda qurlyq boı­ynsha eń úzdik sanalatyn Ońtústik Koreıa, Japonııa, Iran men basqa da elderdiń sportshylaryna laı­yqty deńgeıde qarsylyq kór­se­te­tine senim bildirýde. Esterińizge sa­la ketsek, osy chempıonatqa ult­tyq qurama sapynda Beıjiń Olım­­pıa­dasynyń qola júldegeri, 87 kg. salmaqtaǵy Azııa chempıony Arman Shylmanov ta qatysatyn bolady. Dastan KENJALIN.