Qurmetti otandastar!

Barshańyzdy Otan qor­ǵaýshy kú­ni men Uly Otan soǵy­sy­nyń Jeńispen aıaqtal­ǵa­ny­na 69 jyl tolý me­re­kesimen shyn júrekten quttyqtaımyz! Shýaqty kóktem kúnderinde qatar atalyp ótetin qos merekeniń táýelsiz Qazaqstan azamattary úshin alatyn orny erekshe. Otan qorǵaýshy kúni – beıbit kúnde el tynyshtyǵyn qorǵaǵan azamattarymyzdyń merekesi bolsa, Jeńis kúni – halqymyzdy fashıst basqynshylarynan qorǵap qalǵan qaharman jaýyngerlerdiń erligine taǵzym etetin uly meıram. Biz álemdi fashızmnen azat etý úshin soǵysqan batyr babalarymyzdyń aldynda máńgi qaryzdarmyz. Qazaqstandyq jaýyngerler sheshýshi shaıqastarǵa qatysyp, erliktiń eren úlgilerin kórsetti. Tyldaǵy halyq ta jan aıamaı eńbek etip, Jeńis kúnin jaqyndata tústi. Osy kezeńderdiń tarıhy máńgilik halyq jadynda. Uly Jeńis úshin bolǵan kúres hal­qy­myzdyń búgingi aýyzbirshiligi men tynysh­tyǵyn qyzǵyshtaı qorǵap, saqtap qalýǵa zor amanat júkteıdi. Elbasy, «Nur Otan» partııasynyń Tóra­ǵasy Nursultan Nazarbaev Qazaqstan hal­qy As­sam­bleıasynyń XXI sessııasynda «Biz Uly Otan soǵysyna qatysqan barlyq qa­zaq­standyq batyrlardyń aty-jónderin bilip, olardy qurmetteýge mindettimiz», dep atap ótti. Otan úshin otqa túsken, Uly Jeńis úshin tyl maıdanynda aıanbaı eńbek etken ar­da­ger­lerimizdi ardaqtaý – barshamyzdyń azamattyq boryshymyz, óskeleń urpaqqa kórseter úlgi-ónege. Qurmetti maıdangerler men tyl ardagerleri! Sizderge shyn júrekten zor densaýlyq, mol baqyt, denderińizge saýlyq, otbasy­lary­ńyzǵa amandyq tileımiz! «Nur Otan» partııasynyń  Saıası keńesi.