Áskerı ataq – memleket tarapynan berilgen joǵary baǵa

Memleket basshysy Nursultan Nazarbaev áskerı jáne arnaýly ataqtar tapsyrý saltanatty rásimine qatysty, dep habarlady Prezıdenttiń baspasóz qyzmeti. Otan qorǵaýshy kúni qar­sań­ynda Memleket basshysy, Qa­rýly Kúshterdiń Joǵarǵy Bas qol­basshysy kezekti joǵary áskerı jáne arnaýly ataqtar, sondaı-aq, synyptyq shender tapsyrdy. Qatysýshylarǵa arnaǵan só­zin­de Nursultan Nazarbaev olar­dyń elimizdiń qaýipsizdigin, onyń shekarasynyń qorǵalýyn, táýel­siz memleket quryp jat­qan qazaqstandyqtardyń beı­bit eńbeginiń alańsyzdyǵyn qam­ta­masyz etip otyrǵanyn aıtty. Buǵan qosa, ol tarıhı turǵydan Qarýly Kúshter jastardyń tárbıesinde árdaıym mańyzdy ról atqarǵanyn atap ótti. – «Ofıserdiń ar-namysy» de­gen uǵym eshqashan umytylǵan emes jáne onyń máni eshqashan da tómendegen joq. Jaýyngerdiń naǵyz erligi otany men halqy úshin óz ómirin qııa bilýinde. Otanǵa qyzmet etýdiń úlgisin kórsete oty­ryp, sizder óskeleń býyndy tár­bıelep, qoǵamymyzdyń rýhanı negizderin nyǵaıta túsesizder. Memleket sizderdiń qazaqstandyq patrıotızmdi qalyptastyrýǵa belsene atsalysatyndaryńyzǵa senim artady. Sizder bul mindetti oryndap, alǵan ataqtaryńyzdy aqtaıdy dep senemin, – dedi Qazaqstan Pre­zıdenti. Memleket basshysy berilgen ataqtar búkil áskerı qyzmet bary­syndaǵy eren eńbektiń nátıjesi ekenine toqtalyp ótti. – Bul – memleket tarapynan be­rilgen joǵary baǵa. General bolý – zor mártebe, sizder oǵan laıyqty bolýǵa tıistisizder. Myqty den­saý­lyq jáne qyzmetterińizge tabys tileımin, – dedi Nursultan Na­zar­baev. Saltanatty rásim kezinde sóz sóılegen ofıserler ózderine berilgen ataqtar otandastardyń qaýip­sizdigin qamtamasyz etip otyr­ǵan barlyq qurylymdarǵa berilgen joǵary baǵa ekenin aıtty. Olar Qazaqstan armııasynyń, quqyq qorǵaý jáne arnaýly organdardyń jaqsy jaraqtandyrylǵanyn aıtyp, barlyq kúsh-jigerlerin, tá­ji­rıbeleri men bilimderin el halqyna qyzmet etýge jumsaıtyndaryna sendirdi. Joǵary áskerı jáne arnaýly ataqtar, synyptyq shender alǵan  adamdar tizimi Prezıdenttiń Jarlyǵynda jarııalanyp otyr.