«Tutyný serpini boıynsha biz 1-1,5 mlrd kVtsaǵ deıingi kólemde elektr energııasynyń tapshylyǵyn boljaı alamyz, bul ortasha alǵanda 300 MVt quraýy múmkin», dedi Energetıka vıse-mınıstri Jandos Nurmaǵanbetov.
Onyń aıtýynsha, buǵan deıin Qazaqstan Qyrǵyzstandaǵy Toqtoǵul sý qoımasynan eldiń ońtústik óńirlerine sý jetkizý boıynsha kelissózder júrgizgen bolatyn, óz kezeginde qazaqstandyq tarap jylytý maýsymy barysynda Qyrǵyzstanǵa elektr energııasyn jetkizedi.
«Eger Qyrǵyzstanǵa jetkizý jalǵasatyn bolsa, onda bul elektr energııasyn 1-1, 5 mlrd kVts kóleminde aýystyrý qajet bolady. Barlyǵy bizdiń qazaqstandyq stansııalardyń qysqy kezeńdegi tehnıkalyq jaı-kúıine baılanysty», dedi ol.
Ol tutynýshylardy qandaı da bir jolmen qamtamasyz etý beıindi mınıstrliktiń, júıelik operatordyń mindeti ekenin jáne barlyq tutynýshylar elektr energııasymen tolyq kólemde qamtamasyz etiletinin aıtty.
«Eger bizde tapshy kólemder boljanatyn bolsa, onda elektr energııasyn Qazaqstanǵa jetkizý múmkindigi bar elderden (bul Reseı, О́zbekstan, Qyrǵyzstan) júzege asyrylady», dep qosty Jandos Nurmaǵanbetov.
