Tabıǵı sút ónimderi artady

Aýyl sharýashylyǵy basqar­ma­synyń málimetinshe, sútti mal sharýashylyǵyn damytý aıasynda oblysta jalpy qýattylyǵy 17,5 myń bas iri qara ustaıtyn 36 ta­ýarly sút fermasy jumys is­teıdi. Onyń úshten bir bóligi sońǵy eki jylda iske qosylǵan.

– Nátıjesinde, sút óndirisi 38 myń tonnaǵa artty. Sút fermalaryn damytý boıynsha ınvestısııa kólemi 43 mlrd teń­ge­ni qurady. Buıyrsa, aldaǵy ýa­qyt­ta bul sharýashylyqtardyń sany taǵy segizge ósedi. Qazir qu­rylý satysynda turǵan fer­ma­lar tolyq paıdalanýǵa beril­gen­de sút óndirý kólemin 43 myń tonnaǵa deıin arttyrýǵa múm­kin­dik bar. Bul jobalar boıynsha ınvestısııalar kólemi 37 mlrd teńgeni qurap otyr, – deıdi ob­lys­tyq aýyl sharýa­shylyǵy bas­qarmasynyń basshysy Nurbolat Maqashev.

Saıyp kelgende jyl saıyn taýarly sút fermalaryn salý esebinen sút óndirý kólemi ulǵaıýda. Tek byltyrǵy jyldyń qorytyndysy boıynsha sút sharýashylyqtaryndaǵy ónim kólemi 14%-ǵa kóbeıgen. Bul óz kezeginde oblystyń sút óńdeý kásiporyndarynyń júktemesin 72%-ǵa deıin ósirýge jaǵdaı jasaǵan. Oblysta búginde 8 sút óńdeý kásiporny bar.

Bıyl sútti mal sharýa­shy­ly­ǵyn damytý salasyndaǵy ın­ves­tısııalyq jobalardy iske asyrý jónindegi Jol kartasyna 7,3 mlrd teńge baǵyttalyp otyr. Bul somaǵa jalpy sany 2 200 sıyr ustalatyn 2 ferma salynady. Atap aıtqanda, onyń biri Pavlodar qalasynyń aýyldyq aımaǵynda «Agro-Trade PV» JShS-niń qolǵa alýymen 1 200 bas qara malǵa arnalyp turǵyzylsa, taǵy biri Ertis aýdanyndaǵy «Ertis» TSh» JShS-inde qurylýda.

Agroónerkásiptik keshendi damytýdyń 2021-2025 jyldarǵa arnalǵan ulttyq jobasyna sáıkes óńirde sútti mal sharýashylyǵyn damytý boıynsha 2 negizgi baǵyt kózdelip otyr. Onyń alǵashqysy, ár sıyrdan alynatyn súttiń jyldyq kólemin kóbeıtý. Bıyl ár sıyrdan alynatyn sút 2 678 kılogramm bolady dep boljanýda. Eger turaqty ósim saqtalsa, 2025 jyly bul kórsetkish 2 693 kılogramǵa jetkizilmek.

Ekinshi baǵyt, sút óndirý jáne qaıta óńdeý boıynsha eko­júıeni qurý sheńberinde 9 ınves­tı­sııalyq jobany iske asyrý. Onyń úshten ekisi bıylǵa, qal­ǵa­ny kelesi jyldyń enshisine qal­dy­ry­lyp otyr.

Osylaısha, sútti mal sharýa­shy­lyǵyn damytý úshin memle­ket­tik qoldaý úzilmese sút óndi­ri­si óńirde 1,9 esege deıin artady dep josparlanýda. Shıkizat kóbe­ıse, óńirdegi zaýyttardyń júk­temesi 83%-ǵa deıin ulǵaıady.

Pavlodar oblysy