Álemniń 27-shi raketkasy Elena Rybakına tusaýkeser kezdesýinde Maıar Sherıfpen sheberlik baıqasty. WTA reıtınginde 60-satyǵa jaıǵasqan Mysyr eliniń ókili jerlesimizge laıyqty qarsylyq kórsete almady. 1 saǵat 12 mınýtqa sozylǵan saıys 6:3, 6:2 esebimen aıaqtaldy. Endi Rybakına álemniń burynǵy birinshi raketkasy Garbıne Mýgýrýsamen sheberlik baıqasady. Keshe túnde Iýlııa Pýtınseva amerıkalyq Medıson Kızben kúsh synasty. Bul básekeniń qalaı aıaqtalǵany jaıynda gazetimizdiń erteńgi sanynda habarlaımyz. Sondaı-aq osy týrnırge Aleksandr Býblık te qatysýǵa tıis edi. Alaıda eń sońǵy sátte otandasymyz Sınsınnatıge barýdan bas tartty.
